Roman concern at the Growth of the Church

Nonggø̀n gvzà vl we Roma Emperal nø (300) nǿng vlé dø shvngø̀m ré kaq svng vré shi ya:ngì. Zàng vrvm taq vl we rvcv́ng cè rì svng tapmò nø shatnò we gø̄ vhǿm yà:ngà. rvcvng ceri kaq svng vlǿmá:mò we nøt mv-vl we í ne mvgv́mí wá rvtø̀ vrv̀m yv̀ng yà:ngà. Pa wá lv́m nonggø̀n tē we Emperar nø Kristù ò bø̀ng svng svré ò nø ang mepv̄ng cv̀n we vsvng rì kaq shatnò má?mvwv́m shi má?

Pawá wá ni Chutchv́ng kangpè shø̀n we nø”Ngà o móngdàn nø rvgaq nvng mvsing ” wá we kà lòng íe.
Nøngmaq nø monggan taq a:li we íni gø̄ rvgaq dvpvt mø̀í shà. Muqlàng móngdan svng mv̀nggá ga:li nø Muqlàng móng dàn svng dì ì we vsvng rì íshae. Roma vsvng rì nø dvgv̀m gòng tiq pā taq vl we lvpat svng vlǿm shi nø kv́m we vsvng rì mø̀í. Angmaq dvpvt rvgaq nø nvmlat nvng lv̀ngdøm íe wa nø dvdutnòe.

Wervt rvgaq tø̀m taq lúnkáng vlnø pø̀shi pø̀me rì svng wa láò nø vl ya:ngì. Angmaq nø móngdan nvng Emperar koq kv́m rì kaq wà vlǿm shi nø dvkøq shi ya:ngì. Móng dan mvdv̀m té ring we pàgø̄ mv-vl. Emerar koqkv́m mvdv̀m jór nonggø̀n vl we vsvng mv-vl wa nø dvdāmòe.Móngdan nvng Emperar svng nø Gvray dø dvdutnò we vsvng rì íe.
Rvcv́ngcè ri ínø móngdanò dvrá uqbvde nø Gvray dvrá ta shō zv̄r we mø̀í kvt nø cv́n rà e wa nø cv̀n shi rì íe. Angmaq nø Gvray mvnoq shi rì ídvng wā vl yà:ngì.Móngdan vsvng tiq gǿ nø ang ò gvray nvng vzø̀m lv́m vming vkv́ng nvng angò pvlàce dvpvt dvzaq shi lv́m vmíng vkv́ng zí òwe dvrá uqbvde kaq svng cv́n mv̄n shi we íe.