Gvray mòngka dvpvt vsvk zí shi ya:ngì we Ignatius

Antioch yv́ng (50) nǿng wá shi daq ì we Bishop rì kení St. Ignatius nø Roma wà mà kaq svng tap mò nø shø̀l ò dá:ngí Amphitheater yv́ng taq kàngki v́mpà bø̀n yv̀ngì.Ang nø Catholic noqngø̀m we vtóng nvng sing we, Shvngø̀m ré ò vlé shi lv́m mv -vl we tvrà dang, shvngø̀m ré ò shàn shér we tvrà dang Romá wà mà taq vl we Shvngø̀mré vgō mvdò ò dvgùng nvng sing dø dvtú we karū (7) gø̀m vrū ya:ngà.

(St.John the Evangelist) ò dvzv́r shú íwe St. Plycarp nø mòng ka dvpvt rvt shí kv̄m shi ya:ngì.Ang nø rvcv́ng cè rì ò zú n shi rà we lvpat tvrà nvng noqngøm lv́m tvrà dang nvng sing we karū vrū ya:ng à.
St.Ignatius nø shat lv́m rvt Romá wàmà kaq svng shø̀lo dvgvp vsak vbat gvzà té rá ì.We tvrà taq ang nø shvngøt dvtú we karū (7) gø̀m svng vrū ya:ngà. We lòng kà rū rì taq nø Bishop nvng sing we lún vdū we lúnkv́ng rì svng vrū dvtān ya:ngà.Kang Yesu vl we shvrà zāng taq Shvngø̀m ré vl pà dø Bishop vl we shvrà zāng taq nø shvngø̀m ré rì vl lv́m rvt Bishop kaq svng vpǿ shá lv́m rvt ya rì dang vbá e.
St. Ignatius nø Ang bǿn mvyǿ we tvrà vrū ò we nø “Ngà svngzè we ri nìnà wùr kaq svng leq zǿng dak. Pà wá lv́m wà ni nø angmaq taq kení Gvray pè kaq vshuq svng ngà í høq lú lv́m rvt íe.Ngà nø Gvray ò Jùng shí ǿnge.nina rì nø ngà svng vbā tø̀m svng vjā kvt wa shànsér we Kristuò zí dùng svng ngà í yv́ng lún lv́m , wakaíe.
Gvza te we Amphitheater taq ang shvrúng lòng bǿnā ya:ngà. We long chø̀m nø Tittus í Yerusalem myuq svng gvcat dángke bǿ a nø shø̀l daq ā we Yudá vsvng rií wà ò we chø̀m íe. Rúng lv́m shvrà (6)mūn vlé. Welòng rvwè rām taq nø shv̀m vtuq dvløt we , vsvng shà kaq svng ninà v́mpà wa nø zí ò we sh rà vlé.We shvrà taq St.Ignatius nø Kàngkì rì í naq dvzv́r shi yvngì.Ya mvbøn rì nø kvm nøt rvt vsvk zí shi ya:ngì.