Zilangrérì nø rvgaqò shvlvq, rvgaqò gá lòng

(Mati 5:13-16) Namaq nø rvgaq taq v̄l rì dvpvt shvlaq èínønge. Iwe, shvlaq nø kíshaq bø̀lvm nìnø,vrá lvkí long dø wá màshvla rvt pà vjú màvl. Pv̄nglap svng gu:rò nø, vsa:ngí lv̄mlv́m wa íe. Namaq nø rvgaq taq v̄l rì dvpvt gálòng èínønge. Būnglut yv́ngø shvzøngshaq wamà nø má màshvla. Vrá, svmigwìn gø, dvciqò dá:ngí mvgù:rí ku:pmò we kagǿ gø màvl. Svmi shvrúngrà taq lè shvrú:ngò nø, chø̀m taq vl rì shvngbe svng dvgáāòe. Wedø tiqdvchá, namaqí shvla we bv̀nlì èwànø̀ng we svng vsvngrìí yà:ngò nø, muqlàng taqlapmø v̄l pè namaq Nvpè ngø̀r dvgùng svng lashvrīng lú:ngò dø, namaq gálòng nø angmaq mv́rdv̀ngø dègáānø̀ng.

Denì mvril nø paqzí zidvng vhvng dø dvløt lvm tvra rì gø gvzv luq raìwe bān íe.Internet vhvng tvra mepvng cvn lvm nvng vsvng ri í vtò ò tvra kaq lá lvm ri dvhø taq Zilangré tiq gø ku kení «Nga nø ka dø í we vsvng í vdū ma?» wa long vchvknge.
Yesuí nø Zilangrérì kaq svng “rvgaqò shvlaq , rvgaqò gá long “wa no sho:noe.Wervt denì nøngmaq í dvdvm ra we ciq nø “Zilangré tiq gø ku kení rvgaq mvdvm taq nga nø pa dvpvt vl we í má?”
Mati 5:13ciq taq Yesuí nø”Na maq nø rvgaqò shvlaq eí nønge “ wa nø shø:noè. Shvlaq wa we nø tiqhvnce wa í nì gø vyóng lvm yàng kaq vm him dø vlíng dvrá:roe. Yadø tiq dvcha Zilangré tiq gøò shvla we laqyà , nøt vdá we , vlømvm daq we, shóngnøt nvng kvmnøt reí ang gurhøm kaq svng vling dvza:roe.
Mati 5:14ciq taq namaq nø rvgaqò gá long e í nønge wa nø Yesuí sho:noe.Gá long wa we nø dø we yvng di lvm tvra kaq svng yvng shi dvrá:re.Monggan rvgaq kaq svng gø yvng lún dvrá:re. Gvray kaq gø yvng dvrá:re.Ya rvgaq mvdvm taq nøttinlvm ,nøt dvshalvm ,vlømshilvm mādá we nvng mashvla we bvnli ri wa vle. We dø í we rvtø taq rvcvngce Zilangrérì tiq gø nø “nga gá long nø kā yvng dvgá lvm í má?”wa nø røt shi vduè.

Gá long nø vdè dvpvt wa møí.Dvgá vsvng rìígø yvng lún lvm dvpvt íe.Gá long nø ang wa ang dvgá shi mashvla. Kristu yvng kení gá long kaq svng vtōshi da:ngí wa gá shvla we íe.Wervt Zilangré tiq gøò shvla we Kà, shvla we bunli, marà chut shá òwe,nøt vdá we, shóngnøt,Gvray kaq kvm we ri nø dvgá vsvng ri dvpvt Gá long í lun e.
(Roma 12:2)ciq taq Wemvdv̀mø,rvgaq yabàn mv̀rshv̀m mèshèmvtshìnø̀ngni.Gvray Ang nøt shvla we, Ang wv́mshì we,køtgøm shvlá vtv̄ng í we svng, nàmaqí shá lúnlv́m dvpvt, nàmaq tiq nøt tiq góng shvngbe nàshv́rshìnøng taqsórí angshv́r shèmvtshìnøng.wae.
Zilangrérì dvpvt svre dvké we tvra tiq long nø “vsvng wa rvt nga gø wvnge, vsvng gwa shi long gwa shì lvm íe.wa we nøt vl we íe.”Inigø rvcvnce Zilangré tiq gø nø rvgaq mvdvm taq vl we ínigø rvgaqò mvrshvm shvmvt shi màdū.Dø vdòng yvng Gá long í rà we íe.
(Mati 5:16) Wedø tiqdvchá, namaqí shvla we bv̀nlì èwànø̀ng we svng vsvngrìí yà:ngò nø, muqlàng taqlapmø v̄l pè namaq Nvpè ngø̀r dvgùng svng lashvrīng lú:ngò dø, namaq gálòng nø angmaq mv́rdv̀ngø dègáānø̀ng.
Zilangré tiq gø nø shvngømré vdong taq wa shvla we vsvng í ma daq.Shvngømré vdong taq gø shvla rà e. Zòng, bvnli, chøm, rømnvng rì yvng gø Kristuò svkce í ràe. Tiqkvtkvt dvshá mvhøt vhø:mò vsvng kaq svng nonggun zi we Kà tiq Kà cè í dvbvng shi we nø vsvng tiq gøò lvpvt kaq vling vpò lun dvzvr we íe.
Na nø vshu vshvp vlvngrécè tiq gøò meí. Rvgaq ò shvlaq,rvgaqò gá long e íe.