Rvcángcèrì nø mà dvrá vlíng vpo ráì mònggvn vsvng shvngbe dvpvt shvla we tvrà svng vpo lvm dvzvr wáshì ràe wanø Pope Leo XIV taqkèní dvkám we
Rvcángcèrì wawe nø mà dvrá we tvrà rì svng dvjaq nø shvle lvm møí, vsvngrì dvhø shìwvt tvrà rì svng táā lvm, tasvng rvwìng we tvrà, mvhøt we shìwvt tvrà rì svng dvsházaā nø tubúm dvbangā lvm wáshì ràwe íe.
Rvcángcèrì wawe nø vsvngrì dvhø bønbung we mà dvrá we tvrà rì svng vjáng nø tvrà shvdøngā lvm wáshì ràe wanø dvkám bøà we íe.
Dènì vbat mònggvn dvjà nø àngdang dang kèní vháng ráì we ínìgø we dvjà vdòngø vsvng shvdaq mvnøt, rvwìng nøt , vdè dvpvt vjú lòng svngwa yvngnø mvjàrì dvbu:ngò we dvjàrìí vkøn ráì.
Wervt rvcángcèrì wawe nø vsvngrì dvhø àngmaqò lvpat tvràrì døngmvn tvrà svng tuqlún, vpo lúnlvm dvpvt dvzà wáshì ràe wanø dvtú we íe.
Yesu nø vsvng shagóng lushì nø bashà vsvngrì nvng tiqdø wáshì yvngì wedø rvcángcèrì gø mvhøt we shìwvt vhø:mò vsvngrì nvng tiqdø wáshìnø dvsháza shóngnøt vwánā lúnlvm vchvk we tvrà svng shvdøm we íe.
Pope Leo XIV taqkèní dvkám we mòngkà taq dvshà mvhøt we vsvngrì nvng dvsháza chutcháng we bvnlì wá dvzaqshì we nø vsvng tiqgøò bøndaq we dvgùng nøt laqyà tiqlòng wa møí, Gvray kaq kám we kámnøt tvrà dvpvt vchvk vtang we tvra tiqlòng gø íe walòng svng shvdøm we íe.
Wedø íwe dvsháza bvnlì rì mvdàm kèní Gvray àng shóngwámshì we tvrà, zitnøt paqzí rì ìshøt jejú rì shórā we íe walòng svng shvdøm we íe.
Rvcángcèrì ò kàmnøt wawe nø Gvray vdòng dvbù nøt nvng køqzøl rà wáshì we tvrà íe walòng svng kadvgvp gø síngshá ràwe svng shvdømā we íe.
