Haiti yvng tvp vhøm we vsvng ri shvluq lún lvm nvng Nepal móngdàn taq tiq tøng dvjáng vhøm ri svng dvbang lvm Svrabín ídvtú we
Castel Gandolfa yvng nàr ni Angelus vjúrøt bøì mepvng Svrabín koqkam pè Leo (14)í haiti Móngdàng yvng mvrø we,shvnip shvnvr we, tvp vhøm we ri shvluq lún lvm nvng Zílangré àngyá shí vhøm we, vmvng vhøm we ti tøng we nvng vba lvp we svre lvm vhøm shì we Nepal Móngdàn dvpat ra vchvng we ri dvbang nga lvm dvtú we íe.
Haiti Móngdàn dvpat mvdøng vchvng we røn kà – Kenscoff yvng bøng bø a we vsvng memé shvt vhøm we shvngkà rvt Svrabín koqkam nønt bùm we svng dvtan nø,tvp vhøm we vsvng ri svng shvluq alvm nvng mvrø we,shvnip shvnvr we ri svng dvtvng lvm røn nìm shie.
Nepal nvng Tibet vtiq tøng we dvjáng vhøm bøà ri dvpat dvbang lvm dang-Vsvng 700mvdvm shì nø 3,000vmvng bøa we tiq tøng dvjáng vhøm ri dvpat Svrabín í Caritas Nepal Mvdò yvng kení ra vchvng we vm- aq lvm dvbang bøa.
Mòngzøl we dang taq dvtú we kà- St Augastin ò shøn we taq Mòngzøl lvm lòng nø dvshvng we taq kení wa té wà Móngzøl lòng vto shi lún dae.
Mvn shú pèi Mvn yvng nga we lvngcha ri dvpat vjúrøt ángni íwe -1 September ni taq nø (living Water) wa we gvray í mvn yvng we Lvngcha ri svng gø roq gvr lvm júrøt lipong taq dvbá shì lvm gø shvngømre svngbe svnv gó we íe.
