“ Nøngmaq vlømshàì rì vdòng taqwā vhàp we mø-í dø, Kristu kaq vnvp dø Nønt mvsøn bvngka tánshàì “
August 23 Nár tiqni Dvzvr Piter Noqngøm Chøm tøngnu me taq wà bø’à we (Angelus) vjúrøt we taq Svrabyín Koqkvm Leo (14 )í nøngmaqò lvpat taqkèní Mònggvn svng tvlíng lúnlvm dvpvt Vkangpè Yesu Kristu nvng Tiqdvng vsvng nvng V-toq V-tipmì we tvrà svng rvtø vrvm vrvng lúnlvm dvpvt dvshat nø shvdøm bø’ì.
“ Nøngmaq Toni kèní vlømshàì rì nvng kvmnønt tvrà nvng sing we Døngman lòng taqø shø’mdv’ng wàwe mø-í dø Kristu nvng Dìngman dø V-toq V-tip lúnlvm dvpvt shangshang wacè pv’n vshat Nønt mvsøn bvngka tánshì laqlúnì” wā Noqngøm tøm me vdòngø mvzøq mv-ngúshì rá íwe vsvng loksokrì svng dvkv’m bø’à.
Svrabyín Koqkvmò Mongkà taq vbá we mvdøng vchvk we mvtú rì nø;-
_ Tashì lòng i wa Nønt shø’m dv’ng wàwe mø-í lvm – Rvzvngce kvmnønt tvrà nvng singdø Angwa tāshì lòng ( mø-í ni) dvtit tvle we a:tóng rì í shø’mdv’ng wàwe mø-í dø Kristu nvng vzøm vzap we mvdò poqshì yv’ngkèní tiqdvtang rvmør we vtoshì lúnlvm dvpvt gōe.
_ Ídv’ngte shvngbe svng vsháshaq, wā màdvdvm lvm_ ” Ngà svng kagø’ íe wā lv’n nø shø’nè mà? wàwe Kristuò røtkà svng cvndvgøm nø Kvmnønt tvrà svng Toniò angwa vtóng tiqlòng ku shvyúmshì we mø-í nø dvbùshang Mongkà Dvrá svng rvtø vrvm dvdvm vjáng lá lúnlvm rvt vchvkngè.
_ Tvrà àngshvrì dí lúnlvm – Kristu nvng V-toq V-tip vzømì tvrà lòng nø tiqgø’ò lvpat taqkèní gø, Sasvna tvrà taqgø màdvdvmshì we dvla àngshvr rì nvng rvcvngshì lòng svng wálún lvm dvpvt røtnímshì shvla dang dvtú bø’ì.
Ni vrvm lvpat taqø vhø’m shì we dàm rì nvng Ra vchvk mvtú rì svng dvbvngshì taqsórí Kristu nø Dvrá shàng we mvshøl tiqgø’ wā mø-í nø, Angdèo lvpat svng tvlí:ngà lún we Gvray gvsangò Angcè pè Kristu í dang lá nø vtoshì leqlúnøng, wā Svrabyín Koqkvm taqkèní vkvtdø dvkv’m nø shø’n bø’à.
