Rvtø kaq svng Vpø sháò we Zìlvngrérì

[Epesu 5:15-16] Wervtnø̀ namaq ècúnshinøng we tvrà taq shupwa nàyáshìnøng. Nøt màdá svng dø mèwáshì nøngni, zitnøt vl vsvng dø èwáshìnøng. Angni rì nø mvgv̄m màshvla we í rvtnø, rvtø̀ vwawa dø mèdèsǿmnøngni.

1.Rvtø wà we long nø pàwá vpø e má?
->Rvtø nø Gvrayí zi we gønpaq tiq long íe. Bevm ni nø vrá lúnmvdaq we dvrè í rvt vpø we íe.
2.( Epesu 5:15-16) ciq yvng Polòí nø pa kaq svng shvngøt yvng nga we í má? Wa ni zitnøt vl gø dø cún shì nø rvtø kaq vjú vl dø lvngshálvm shvngøt dvtú we íe.

3.Vsvng rì ò vjú kaq téwà dvbéò we dvrè nø pà ie má?
->Vjú màvl we phone yvng we, gime mvnshi we, bvnli màwá rvtø dvbéò we,bvnli wá vzing we nvng bvnli wàlvm rvtø taq dvtømshi ri ie.
4.Rvtø kaq vpø sháò we Zilangré tiq gø nø pà bvnli rì wá vdue má?
[ Shagun Zaywa 9: 12]-> Pàwálv́m wani shvwī tvlē shvwi teqashú pè A:ngí nø angmaq svng mvsø̄:ngòe. Dvsháchārì kórshì nø vkiq we kà svng, A:ngí vnáò we mø̀í.

(1)Ni vrvm Gvray mongkà erø o.
(2)Vjú erøtshì.
(3)Karu kaq e rø o nø è cvn shi.
(4)Napè namè kaq dèba:ngò.
(5)Shvngømré nvng vsvng ri dvhø taq vjú vl dø nàbá nø, dèzømshì.
5.Kangpè Yesu yvng kení rvtø zøm shá lvm tvrà nvng sing dø nà nø ka pà cvnshi elú:nò má?
->Yesu nø Vpè Gvrayò ang nøt do wàlvm rvt rvtø døp bvnli wàya:ngi. Wervt nøng maq gø Gvray dvgùng bōng lvm rvt rvtø kaq zøm shá ràe.
6.Rvtø kaq vpø sháò ri kaq Gvrayí kadø ishøt igvn shvmá:nāò ma?
->Bønya paqzí tvra dvtú we, shvla we lvpat tvra ó vjú vl we bvnli taq dvzøm shì we bvnli ri taq kení Gvrayí ishøt igvn shvmán nà we íe.
**Lvngdøm Kà tvng kàrøt taq nø,

->Deni Gvrayí zi we (24)nari vdòng kení ngàí kadvng nari kaq svng Gvray bvnlì dvpvt, vdèrvp dvpvt , vdè vháng lvm dvpvt rvtø ri lvng lun bøngà má?
->Yalòng kàrøt kaq svng ni vrvm vdè nø vdè kaq svng e røt shi ni nø, rvtø kaq svng téwa vpø shá lún nø, gønshaq cún shi lún na ie.
{Shvngøt shú 3:1} -> Vl dv́ngte pv̀n vrv̀m dvpvt vgv̄nshaq rvtø̀ tiq lòng v̄le. Muqlàng lv̀ngpvng taq wàò we pv̀n vrv̀m dvpvt ang lv̀ngcha v̄le.