Paqzí zìdvng vháng we angni taq kvmnøt kaq svng vpø shá ò we Zilangré
Denì nøng maq lvpat nø paqzí zìdvng vháng we lvpat í nì gø kvmnøt kaq svng ngvngdøng dø vpø shá lvm nø Zilangrérì dvpvt gazà vchvk we ie.
1.Gvray Gvsvng nvng ni vrvm vzøm vzvp ra e.
•Ni vrvm vjú e røt shì.
•Shansher karu rø ra e.
•Gvray Gvsvngò Mongka kaq ni vrvm lvpat tvra taq cvn ra e.
(Shvgun zaywa 119:105) Nà mòngka nø ngā hi dvpvt svmigwine èøngange .Ngà tvrà dvpvt gálòng éøngange.
2.Paqzí zìdvng vháng we deni la rvtø taq ya lòng paqzí kaq lvng shá rà e.
•Phone nø vsvng ri dvhø taq zǿm shá rà è.
•Ma dū mabóng we tvra rì taq lvng mv daq.
•Kvmnøt kaq svng shvngvng shvdøng we tvra ri kaq rvcvngshì vdu e.
3.Kvm we rvcvngcè rì ó mè nàsarnì.
•Noq ngøm chøm kaq edì.
•Zilangré mvngū lipong yvng e lúm.
•Kvmnøt vl we lamboq rì ó vrvm vrá rà e.
(Hebru 10:24-25) Vrá, shóngnøt nvng bv̀nlì shvlá rì taq tasv̀ng tàle nònggùn vzíkélv́m, tiq gǿ nø tiq gǿ dvshatkéì. Vsvng tiqmaq wáshì dø, nøngmaq dvkǿmshàì tvrà nø laq mvna:rì. Kàngpè Angnī welòng tuq yúl mv̄nshì we svng namaqí èshánøng rvtnø téwa yadø nònggùn nàzíkénøng.
4.Shvbóng shvmat shì ra e wá shì.
•Online nvng rvcvngcè rì lvpat tvrà ó vbóng dø e vl.
•Ka shø̀n we, karū vrū o we nvng bvnli wa we tvra rì taq Kristuò shóng nøt de tan o.
(1 Timoti 4:12) Nà bat ècv̀m lòng svng kagǿí gø yv́ng mvtv̀mv̄m we laq màvl.Shø̀nkà taq gø, vjàng laqyà taq gø,shóngnøt taq gø, kv́mnøt nvng mv́ngshèr we taq gø, nà nø kv́m vsvngrì dvpvt shvbóngshìrà leq í long.
5.Shvnsher we lvpat tvra kaq rècvng shì.
•Dvløt ra we kaq svng Gvrayò jór nònggø̀n kení jór lún shi e.
• Vdè mvrà na cháng shi, nøt e ling shi nø e cún shi.
(Roma 12:2) Wemvdv̀mø,rvgaq yabàn mv̀rshv̀m mèshèmvtshìnø̀ngni.Gvray Ang nøt shvla we, Ang wv́mshì we,køtgøm shvlá vtv̄ng í we svng, nàmaqí shá lúnlv́m dvpvt, nàmaq tiq nøt tiq góng shvngbe nàshv́rshìnøng taqsórí angshv́r shèmvtshìnøng.
Kàtvng taq Paqzí zidvng vháng we nø shvla we laqya tiq pvn I ni gø zøm e shá o kvt wa vju vle. Zilangrérì nø vháng we paq zí zìdvngò vshuq wá shi mvdaq, Gvray Mongkaí tvra dvtú dezvr shì rà e. Rvcvngcè lvpat tvra taq kvmnøt shvdøng shi kvt wa Gvray dvgong bung longē.
