Maria ò Shøq angni
Zvmì tiqking ninsi nvmpù tiqking Maria kaq svng ap tvle we ang lvchyø̀m nø Maria svng vpǿ shvring we nvng Maria taq kení vjú røt shi nø vdè ò lvpat svng Gvray kaq ap núng shi we ang lvchyø̀m íe .
∆. Zvmì tiq kíng ang lvchyø̀m nø, Vkangpè Yesu shø̀n we nø” Ngà nørvgaq gálòng ngóngà e.( Yh 8:12 ) wā dø vdèò kv́m nøt gálòng lún lvm wa nø ang lvchyøm vlé.
∆. Ninsi nv̀m pù tiq kíng ang lvchyøm nø , Maria ò shanshér we lvpat taq Vkangpè kàta lòng svng cv̀nshi lv́m wa nøang lvchyøm vlé .
∆. Zvmì tiqkíng nvng nínsi nvmpù tiqkíng ap núng we nø, vdè chyø̀m døng kū dvpvt nvng Gvray noq shi we rvcv́ng cè rì dvpvt vjú røt shi lòng íe.
∆. Zvmì nvng nv̀m pù ap núng nø vjú røt we mvdv̀m Gvray kaq kv́m nøtní vjú røt shi lv́m lòng nø mvdø̀ng vchvklòng íe.
∆. Vdè nøt mvsø̀n nø zvmì dø gálòng zílún nø nv̀mpù dø shvmaq lún shi we lvpatní Gvray kaq shvgùn shvring shi lvm dvpvt íe.
∆. Maria nø ninsi nv̀mpù sóng vtvng íe.Ninsi nø Vnvp rvt Mariá ò shèr we Vnvp vtvng we nøt mvsøn svng tvnu ò we íe.
∆. Nínsi mvshér nø, Vmè Mariá ò shóng nøtní angce pè Yesu Kristù dvpvt nøt dvshà we svng tvnù òe.
∆. Ninsi móng nø Maria ò shèr we nøt mvrà mv-vl we lvpat svng tvnù ò we íe.
∆. We rvt Maria svng nmpù apnúng shi we ang lvchyøm nø vdè ò shóng nøt shèr we nøt mvsøní vjú røt shi nø apnúng shi we ang lvchyøm íe.
∆. Zvmì tiqkíng ,nvmpù tiqkíng Maria kaq apnúng vjú røt shi we nø Catholic shvngøm ré rì vdè taq Ra we jejú rì Vmè Maria kèní tiq dvtv́ng Vkàngpè svng røtnim shi we ang lvchyøm íe.
∆. Zvmì nø gálòng svng tvnù we íe.(Yh8:12)zvmì dvciq dvgáò we nø Vkangpè Yesu ò gá lòng svng vtō shi nø vdè ò lvpat taq gálòng vdòng zún shi lvm dvpvt íe.
∆. Nvmpù cè Maria kaq zí shi we nø, Maria ò cip shi nøt ,shèr we nø ,shèr we nøtní Gvray kaq shóng nøt rì cv̀n shi lvm lòng íe.(Lk1:38).
∆. Mvdøng vchvk we nø, zvmì nvng nvmpù kadángte apnúng lún shi e walòng mø̀í, cipshi nøtní Gvray kaq kv́m lv́m lòng nò mvdøng íe.
