Zilangrérì Dvpvt,« Jór Mèyǿ Má?, KVM Vrvm Vsvng Í Mèyǿ Má?.»

Zilangrérì dvpvt, jórlvm bvnli ecà:nò long nø màléshì. Paqzí dāng nvng bvnlì vdá we nø shvla we tvnū mvnggá íe. Inìgø, Gvrayí yà:ngo we nø , jor lvm mvdvm nøt døngman lòng nø téwa vchvknge.
(1Korintu 4:2)Chø̀m øpshú bv̀nlì vapshaq gǿ nø angkà:ngí kv́mvm vsvng wáshì ràe.

Gvray Gvsvng í nø nøngmaq kaq jorlvm kenì møí, nøt døngman lòng kení rvdoq rvwvn we íe. Vsvng tiq gø nø vsvng ri mvrdvng taq mvsháò nìgø, ni vrvm lvpat tvra taq Gvray mvdvm, dervp mvdvm, tvmu bvnlirì mvdvm nøt døngman kvtkèní nø , Gvray wvmshì we íe.
Kà shabóng ; Daniel nø øpkvng vming Ana nvng jòrá:mì we dvgùng lún bøà we ínìgø , Gvrayí vløm dvzvr shì we bvnli kaq mvgu:rò.
Vrá, Yosep gø , gvzvm dvløt we vdong kení gø, vløm lvm vrvm rvt ti ci lvngdøm taq nø Gvrayí hàng bøà we íe.
Mvsønglvm shi Mongkà ciq nø (Mati 25:21)
Wekvt angkàng pèí ang svng, ‘Shèla nø nøttǿng kv́mv́m nàrv̄m we vshuq nàí nø,vdū døni èwà bǿà. Dvrè tiq hvncè taq gø nà nø kv́mv́m nàrv̄m we í rvtnø, ngàí nà svng mvme pv̀n mvdv̀m øpshú wáshì dvzv́rlv́m íe. Nvkàngpè dvbúrà taq mèngūshi rā,’ a:lòe.
Zilangrérì dvpvt cvnshilvm karu ri
(1) Jór lvm tvrà kaq svng tenūò. I we,vsà:ngí na kaq svng ekvmvm long kaq svng gø mègūrni.
(2) Vsà:ngí mvyà:ngo we kāyvng ínìgø, døng mān dø, vlømvm dezvr shi nø è cún shì. Gvray Gvsvng kaq svng svre nàpøò.
(3) Gvray Gvsvngo Ang móngdan nvng døngman lòng svng vzvng èláò. Jòr lvm tvrà nø Gvrayí rvdoq rvwa:no we Ang rvtø vdòng taq nà mèpvng e cvnvtne.
(Kàshvgøp 3:56) Nà nøtmvsø̀n shvngbeí Gvray Gvsvng kaq shaq èkv́mshì. Nà vdè shánøt svng mènalǿmshìnì. Nà tvrà í dv́ngte taq Ang svng nàchà:ngò. Wekvt A:ngí nà tvrà rì mèdóngā daqe.
Ya Mongka ciq nø Gvray Gvsvng kaq svng e kvm da:ngí vlømvm vrvm dø di we vsvng gø o tvra kaq Gvray ang vdè ínì dvgøā we tvra kaq svng shá dvzvrè.