Jurøt chø̀m taq Yesuí Shanshér kàru rø̄ò we

Kristu vdòng taq Vpø’ íwe pèmè vnvmchvngmaq, Shvngbe svng pamvra wànge. Deni nø (Aug-31-26) ni svng gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø Luka 4:16-30.

Yesu nø Narni taq júrøt chø̀m svng gòngá:mì nø kàdvtutshú Esaya kàru taqkení rø̄òe. Vróngshaqrì svng nø shvláng lúnlv́m mvshǿl, nemànrì svng nø vrá yv̄ngshì lúnlv́m Shvnv̄lshaqrì svng gø shvlutlv́m rvt
Vkàngpèí Ngà svng dèzv́r dakngà, wanø rø̄òe. Wekvt shvngbebeí Ang kà zø̄aò sórí shvgù:nò dàá:mì ínìgø vtoò we màvl. “Yapè nø Yosep angcè ni mø̀í ma?” ‘Cìsvra pèá, nà nø nà dèbānshi lè!’ wa Kàngpè Yesu svng ti mvlánò. Kristu rvgaq vsvng góng dvchøpshì nìgø Gvray íwe svng angmaqí mvsháò. Angmaqí mvsháò we ínìgø mvsháò døvle.

Nøngmaq lvpat taq dvdvmlvm waì . Rvcángcérì íshà nìgø shvngømré dang tøpnì tøpwa mvsháì, Pvlacè dang taq ínìgø mvdvm shvle wa íshàìe. Kv’mnønt tvrà taq nivrvm cvnì, waì tvràrì svng vpølvm dang taq nvnggùn yúme. Nøngmaq ni vrvm cvnì waì dang cvm nì mepvng nø gvza nvnggùn kùngà télvm ílonge. Gvray Gvsang kaq jøngjø’ng yvnglúnshìlvm vtolúnlvm dvpvt dvzaqshìlvm wàì.