Chø̀myoré tiqcé mè kàshvbóng
Rva Shvngkà tvyø svng ètashìnøng we Vpø’ íwe pèmè vnvmchvngmaq, shvngømré rvzvngcerì shvngbe svng Pamvra wvngè.
Dèni nø August shvlá 28, Nár Bunga ni svng gòng bø’shà we íe. Dèni dvdvm vjáng nø Pvlàcè kvmnønt nònggùn kūnga lùshì lvm Gvray gvsang móngkà nø Mati 25:1-13.ciq vdòng taqkèní íē.
Chø̀myoré tiqcé mè kàshvbóng, móngkà taqkèní íe.
Mongkà taq;-
4 Zit mèlā mv̀ng nø, svmigwìn nvng tiqdø, chúngcè taq yøtì gø lv̄ngshìe. 5 Lvngàshv́r pè nø tø̀má:mì nø shini mvtuqra dvgvp, angmaq shvngbe nø yøpyǿ dvzì nø yøpme. 6 Yaqdø̀ng rvwèí, ‘Lvngàshv́r pè dì daq ìé! Ebúngnøng nø ang svng nàtov́mnøng,’ wa vkiq ráì. 7 Wekvt chø̀myoré wemèla shvngbe búng nø, angmaq svmihǿng rì rvsūshìe.
Vpø’ íwe pèmè vnvmchvngmaq,
Dèni tálúnì we móngkà Jømciqrì nø, Gvray dì ra lòng dvpvt vzàng kaq dvgø’shì, tvlú wáshì nø vl lúnlvm ínø, zvmishvr rì nø Shvngømré taq v-li we rvzvngcerì svng wàwe ínø, lvngàshvr pè nø Vkangpè Yesu Kristu svng wàe, shø’n mvyø’ we Kà íe. Zitnøt vl we zvmishvr (5)mè í nø, Shànshér Pvlàcè Gvray svng angdèo tvrà shølshú kùrpu ku vtoshì nø Cúnshìe. Gvray Mongkà wàwe só svng lv’ngshì rì í rvt, Vkangpè Yesu Gvray nvng vhø’m lún yangà. Só luqtvm dø mvlvngshì we zvmi shvr (5) mè nø rvgaqtømò Nønt laqyà banchvk rì vdòng taqwā vløp nø Gvray gvsangí zi we Talen nvng vcār bø’ì rvt Kristu Gvray nvng vhø’m mvlún yvngò. Wervt Nøngmaq ni vrvm Cúnshàì we lvpat taq,
pv’n vshat dvdvm Nønt, zitnøt, rálnønt nvng Talen rì svng cvndvgømì taqsórí Gvray Mongkà vdòng taqø Cúnshì lúnlvm rvt dèshatnìe, shèdø’mì we móngkà íe. Mongkà ètashìnøng we Shvngbeí Gvray mongzøl lòng vtoshì leqlúnøng Shvngbe Pamvra.
