Mexico móngdàn vdòng taq wáshì we Zìlvngré àngni dvpvt Pope Leo XIV í dvtú kàru taq Shòlaqré rì Kristuq nvng vzømnø chutcháng we shvnshér tvrà svng dvbù nøtí shaq shaq wa vtoshì nø dvzaqshì lvm dvkám we íe.

(Holy See Press Office) Svrabín koqkám rúng kèní shvlvng bøà we dvtú kàru taq nøngmaqò vzøm we kù:ngà svng mònggvn svng dvtan lvm tvrà taq dvzaq shàì wanø dvtú bøà we íe.

We dvtú kàru taq “Nv̀mlat kèní Ngà nvng tiqdø à:lì rvtnø namaq gø shvkse èwáshì lóngnønge.” Yohan 15:27 mòngkà ciq svng lvjøm pøn nø dvtú bøà we íe.

Mònggvnò mvrø we shìwvt rvmè vdòng Kristu nvng vzømnø àngyvng køqzøl shì ràwe dang dvkám we íe.

We dvtú kàru lvngdøm tut taq Kristu nvng vzømnø dìì we lvpat tvrà vdòng taq Gvray ìshøtrì kømzøpdø vtoshì lúnlvm dvpvt dvsháza shóngnøtí rvtø vrvm dèba:ngì we àngmè Mari yvng svng gøvløm shàì we nøtí dvtit tvle vjúrøt shàì wanø dvtú mòkà shvlvng bøà we íe.

PopeLeoXIV #NationalYouthDay #CatholicNews #VaticanNews #YouthMinistry #Guadalupe #FaithAndHope

Credit: Vatican News