Mv̄nggv̄ng (10) pè dvbā:nò we ( Lk 17:11-19 )

Kang Yesu Yerusalem svng lv̀ngdø̀m dibaq taq Samari nvng Galili rvgaq dvrøt mvring tiq mvring ang gòng lv́m wa dvgvp mv̄nggv̄ng zā we (10)pè nø vrúm ya:ngø rep nø Kang Yesu mv́r dv̀ng taq nøngmaq svng dvshá ezā shà wa nø angmaq vnā zǿm bān lv́m rvt røt shi ya:ngì.Vkang pè í angmaq svng shvrúng shú rì svng edi nøng a:loe..Angmaq nø wedø dí mv̄n shi kè mv̄nggv̄ng nø tvrà rāmø bān lúng ìwe sv̀ng dǿm bǿ a nø gvzà dvbù ya:ngì.

Wedø dvbù we í Kang Yesu kaq sv̀ng
oq a wakà shǿn lvm vná ya:ngà. Vdè nvng sing we rvgaq kaq svng tiq dvShaq í at shi ya:ngì. We ri taq kè ní tiq gǿ cè wá vtv́ng rá ìnø Vkàng Yesu svng oqa wá kà shǿn shi ya:ngì.Wegǿ nø sa
mari vsvng íe. We kvt Yesu í “ebúng nø elo vm nà kv́m nøtní echv́ng bǿì v̄l ya:ngà. YalòngJór nonggø̀n dvtanò we nø (3)poq wapoq Jór nonggø̀n íe.

Kang Yesu nø mòngkà dvshāng ò nø tvrí shi dvgvp mv̄nggv̄ng vnā, dvgá dø vnā angpv̀n pv̀ní zā vsvng rì kaq dvbā:na ya:ngà.
Kàgvp anglí taq mv̄nggv̄ng vnā taq kení dvshér ā ya:ngà we nø Israel dvcì kení vsvng tiq gø wa v̀l ya:ngì. We gǿ nø Mirian íe (Dvcirø 12).