Chø̀mpè chø̀mmè vkàng mvdaq we
Kristu vdòng taq Vpø’ íwe pèmè vnvmchvngmaq Rvtø vrvm Gvray jèjú svng vtoshì lúnì dø tiqdvchá dè sháng vrá tiqkvt Gvray móngkà kèní Pvlàcè nònggùn kūnga lùshì lúnlvm dvgø’shì lúnì rvt gvzà oqā wàlvm ra íe. Dèni rø v-du we Gvray móngkà nø Mati 19:3-12 vdòng taqkèní íē.
Mongkà taq;-
Farisirì nø Ang svng vløtlv́m di lú:ngì nø a:lò we nø, “Mvtú tiq pv̀npv̀n rvtnø, vdè chø̀mmè svng gū:rò lòng nø, dvrá má, màdvrá má?” wa rø:tnòe. c 4 Yesuí werì svng vtà:ngò nø, “Nv̀mlat nv̀mpv́ng taq vsvng kaq Mv́n pè Gvrayí nø, svmaré lvngàré shvgøp vzø̀m dø mv́n yà:ngà. d 5 ‘Yadø í rvtnø lvngàré nø angpè angmè yv́ng kèní rv́lshì dv̀ng, ang chø̀mmè nvng vzø̀mvm nø, angní nø tiqshing tiq góng wa ív̄me,’ wa kà svng mèrø dv́rnøng ma? e 6 Angní nø wekvt kèní kukaq vní gǿ nø mø̀í, tiqshing tiq góng wā íe. Wervtnø̀ Gvrayí dvhǿmshaq lòng svng vsvng kagǿí gø laq màdvka:ngò,” a:lòe.
Vpø’ íwe pèmè vnvmchvngmaq,
Døngku tiqlòng taq Mongzøl nø Dø’ngvng lúnlvm mvtú vní (2) lòng vlē. Wèlong ní nø, àngde nø angdè vpnóng tvleshì lúnlvm nvng tø’nzv’n weí tvleshì lúnlvm lòng íe. Àngde nø àngde tiqgø’ nvng tiqgø’ tasvng tale vpnóng tvleshì, tø’nzv’n nø vcíngà kè lòngí tiqgø’ mvdvm tiqgø’ yv’ng gvlshì we shóngnønt svng dvtan lúnshìe, zí lúnshìe. Døngku tiqlòng shvzøngshì we taq shóngnønt nø mvdøng angké lòng íe. Shóngnønt vl kvtwā tø’nzv’n lúnè. Shóngnønt vmøl ra dvgvp, Kà shvdiq mvdøngvm, Døngku vcat sháòe. Nøngmaq mvdvmø vl we Gvray gvsangò Shóngnønt svng Vkangpè Yesu Kristu ínø, dvshà mvhøt yvklvm rì vhø’mò sórí vpnóng tvleshì nø Gvray gvsangò Shóngnønt svng dvtàn yangà. Tø’nzv’n lúnè, vpnóng tvleshìe, walòng í nø Døngku tiqlòng svng Kà shvdiq Dø’ngvng dø mongzøl dø vrvngshì lúnè. Wè mvdvm Tiqgø’ nvng tiqgø’ tasvng tale vpø’ Nøntní, shóngnøntní vpnóng tvleshì nø vzøm laqlúnì. Vrá nø, Angdèo Døngku rvmja me / pè dvpvt vjúrøt dvbvng taqsórí tø’nzv’n we shóngnøntní vpnóng tvleshì nø Gvray gvsangí zi we rvzvngce Døngku svng kùpgar sórí Kvmnønt Pvlàcè nònggùn lùshì laqlúni wvng dvshat nø nònggùn zí mvyøngè shvngbe svng Pamvra.
