Pope Leo XIV taqkèní August 5 ni shvngømré lìpù:ngmè taq nvmbat 2 Vatican council ò Sacrosanctum Concilium dvtú kàru svng vtànò nø noqngøm tvrà ò vchvk mvdøng rì dang dvkám bøà
Shvnshér pvlàcè í nøngmaq svng kadø Gvray kaq noqngøm lvm tvrà svng shvngøtā we íe walòng svng shvdøm bøà we íe.
Dèni vbat shòlaqré rìò síngrvl nøt rì taq lvpat vháng vlúnlvm bvnlì tvrà rì, zìdang vháng we paqzírì, mònggvn tvrà rì taqwa nøt shìnø Gvray kaq noqngøm lvm tvrà nø vchvk møí wawe vléò we síngnøt rìí mø ké bøà. Gvray kaq noqngøm vjúrøt shìwe tvrà nø àng nvng vzøm we vpø ring vtangwe rvtø íe walòng svng vtánā we íe.
Ni vrvmò Gvray kaq noqngøm vjúrøt shìwe àng nvng vtoq vtip we tvrà nø nøngmaqò lvpat tvrà svng shvnshér dvzvr lúnnø kámnøt svng shvdøng shvngángā we íe. Gvray kaq rvtø vrvm vjúrøt shìwe tvrà nø køqzølrà tvrà tiqlòng íwe mvtaq Kàngpè Yesu vrá tuqlongwe làngdøm àngni svng vlømshàì nø ca:ì we íe walòng svng Svrabín koqkvnpèí dvtú nø dvkám we íe.
