Kana rvwá zvmì shvzø̄ng bóy
Kana rvwá zvmi shvzø̄ng bóy taq ti kení bìmtì shvlè ò we nø vkangpè Yesuò nvm bat tiq wà òwe Jór nonggø̀n íe. Maria nvng, Yesu ang coqcv́n rì gø go òrvt bóy mvhøqo (3,4)ni ra dvgvp kení dvcø̀m shi nvng di ya:ngì.
Yudá riò vtóng vldø màmè ni vlé dø wà shi nø rvwá kø̀p dì nø ngø̀r ngø̀r wā wà òwe shvzø̀ng bóy íe.zvmi shvzø̀ng bóy taq shvlá vtv̀ng bimtìí bóy diri kaq vtō ya:ngà.shvzø̀ng bóy svng shvngøm ré shø̀l shú rì í shvmán dvgǿng a òe.
Kang Yesu nvng coqcv́n rì shvzø̀ng bóy lúm we nø vsvng tiq gø dø dvbá shi ya:ngì.Vsvng mamè kø̀m rá ìkvt chv̀n vnv́n bimtì béá:mì.shvzø̀ng bóy taq v́m vq be we nø Lv̀ngà shv́r, zvmì shv́r nvng angpè angmè maq bø̀ng tin nø shvraq shi lv́m lòng íe. We lòng svng Mari ídǿm bø a rvt angcè pè Yesu svng Bìmtì béaá:mà a:loe.Yesuí svmaré meá nà nø ngà nvng pà sing è. Ngà rvtø̀ shini mvhøqò vlòe.Svmaré mè wakà nø Yudá vtóng kù gvzá vpǿ shvring taq sórí goò we kà íe.Yesu angí gø ni Bìmtì be we vshá Shaq íe.
Yesuí tì kení Bìmtì shvlé ò dángí edòng nøng nø bóy øp pè svng ezí bø nøng a:loe.ya lòng nø rvtø̀ angdūng cè taq Jór nonggùn wá ya:ngà.Yesu í ngør dvgùng dvta:nò rvt coqcv́n rì gø ang svng kv́m bǿì.Kang Yesu òJór nonggø̀n íwe ti kení Bìmtì shvlè ò we nø, mepv̄ng rvtø̀ shvrúng núngpà shvrúng ò we rvtø̀ Bìmtì kení Kang Yesu ò shvwi svng shvlè lvm lòng svng ,vzv̀ng kení dvtànò we mvshv̄l pvrá íya:ngì.
