Kristu taqkèní wa bashà vsvngrì ò ìshøt zíāshú íe
August 2 ni Svrabín koqkvnpèí dvtú mòkà taq Zidòng mok 5 chvng nvng Nga 2 goí vsvng 5000 gø shv:ámò we dàlvm tvrà màná dømrø mvshøl kèní pvlàcè kù:ngà ziwe mòngkà dvtú bøà we íe.
Yesu Kristu taqkèní nøngmaq bashà vsvngrì kaq dvciq lvpvt gønshaq wa mvtaq døngmvn tvrà nvng cømcaq mòngzøl tvrà, pvlàcè kù:ngà rì shvmvnā we íe.
Pope Leo XIV í dvkámwe mòngkà taq vwadø mvtú màdá gvzámshì we nvng mvpnøt nø pvlàcè kaq vtøp dvzvr we zønli tiqlòng íwe dang dvkám we íe
shvnshér we Eucharist kèní vtoshì lú:nì we jejú ìshøt rì nvng cúnshàì we rvtø àngni rì dvpvt shóngnøt kèní cúnshì lúnlvm àng dvgùng svng shvring shvtà lún lvm dvzaqshì ràwe dang dvkám we íe.
Kristu nvng vzømwe kagø taq ínìgø dvshà mvhøt lvm tvrà mv-vl Kristu àngyvng kèní ìshøt jejú rì màdat vtoshì lvm dvpvt Àngmè Mari yvng kèní dvtit tvle vjúrø dvzaq shàì wanø dvtú mòkà vrìng bøà we íe.
