(500)nvng(700)mvzuq ram taq vl we rvcvng cè rì ò Pvlàce dang

Rvcv́ngce tiq gǿ í lv́m rvtnø àng nø tì nvng dvsér shi we Shànshér Pvlàcè Gvray
yv́ng kení angshv́r shøq shi rá e. Dvshér shi bǿ ìwe mepv̄ng nø Kristù svng kv́m bǿì we nv̀ng wedø kv́m gǿ svng dvshérò ā we wà ya:ngà. Íni gø mepv́ng taq nø dvshér shi lv́m gǿ nø(1)nøng(2)nøng vlédø dvcøp shi nø cā ya:ngà. Angmaq kaq svng nø (catechumens) wá nø tǿ ya:ngà. Angmaq nø shvngøm ré nvng sing we Kàru risvng rø shi nø cv̄n shi we , shóng nøt karū risvng rø nø cv̄n shi lvm nø svra tiq gǿ gǿ yv́ng taq cvnshi nø dvgǿ dvcøp shi ya:ngì.

Angmaq nø Missa taq lúm lún shie.Íni gø shvrúng núng pà wàò dá:ngí nø noqngøm chø̀m vtv́ng lvp svng at shi ya:ngì. Angmaq nø nām nām wā rvnaq vtvng we shvngøm ré rv cv́ng cè tvrà nvng gvzà vchvk we ang mvtú rì cv̄n shi ya:ngì. we rvtø shvngøm ré taq, mvyø̀n cè í cvn shi lvm dvrá nvng cv́n ra we dvrá rì gv̀l ya:ngà.Mvnoq shi rìí dvshá dvré dvcø̄ we taq sār shi lún lvm rvt íe.

Tiløp mvkv́m shi rì dvshér shi lún lv́m rvt tvlú dvgǿ shi we taq dvshér shi dv́ng shi bø me pv̄ng angmaq nø nonggøn zí we Krismá kagvp Sakramentú lún ya:ngá. We lòng vtóng dvrá svng nø nvm svr làp shvngøm ré ri í ākvt høq Shaq cà:no nø lá:ngòe.
Námlat dvgvp taq nø dvshér shi mvyǿ we vsvng rì tvlú dvgǿ shi dvgvp kà rvtø taq í ni gø dvshér ā ya:ngà. Íni gø Mèpvng taq nø (Pentecost)shànshér pvlàce là shi ni (50) ni boy shi ni mø̀í ke lvbán(6)ni taq dvshér ā ya:ngà. Weni høq belaq móng gwa shi nø tiq lv́ bán cā ya:ngà.(5)mvzuq nvm lat wál mvhøq
ò we rvtø høq Shaq cv̀mré rì gǿn Shaq dang svré dvké nø bø̀n we mv-vl kvt nø dvshérā we shi ni mv-vl we íe.

Nvnlat mvzuq langdøm høq Shaq Missa shvrúng núngpà wà ò we svng dørøm v́mpà
v́m sórí wà ya:ngà.Agape shóng nøt v́mbóy wa nø tǿ ya:ngà.Mepvng taq nø Missa svng vsháng tut taqshvrúng núngpa wà ya:ngà.Nvmlat dvgvp nø Kangpè angni taq wā núngpà wà ò we íe.(7) mvzuq nvmlat wál høq at ā dvgvp wā shvrúng Missa kagvp svng v sháng tut taq ni vrvm wa ya:ngà.