Shvngø̀m ré rì svng vtù we ngv̀nshà ri

(200) mvzuq taq shvngø̀m ré nø angmaq svng vtù ò we mvnoq shi we ngv̀n shà kè ní ang nø ang gār shi ya:ngì. Kà rū vrū shú svrā gvbà rì ínø shvngøm ré ò shvngøt dvtú we kà rì svng pǿ:n ò nø vrū ya:ngà.Vtú shú rì ò ang mvtú mv-vl mvJò we kaq svng gø̄ vrá dvtú òwe wà ya:ngà.

Angmaq svng Shvngø̀m réò shvngøt dvtú kà rì svng gār shú rì íe wa nø( Apologists )wá nø tǿ yà:ngà. Kà nī ri mvmè vmv́ng ya:ngi we í ni gø̄ kàrū tiqmaq nø deni dèyaq høq yv́ng lún shie. Karū tiq maq nø dvgá tiq gǿ gǿí vrū yàngà yv́ng kení dvchø̀ngò we karū rì gø̄ vbáe.

St.Justin nø AD(100) mepv̄ng Roma angpè / me taq kení shøq ya:ngà. Palestine vl we Sichem taq shøq ya:ngà. Cv̀m dvgvp kení Jò lòng wa lá ya:ngà pè í ya:ngì. Mvnoq shi rìò paqzí rì svng cv̄nshi lún ya:ngà. Í ni gø̄ ang dvpvt nøt shø̀m lv́m lòng mv-vl ya:ngì, mepv̄ng taq nø chutchv́ng angkang peò dvbù shvngkà svng ang kaq pǿ:nā lún we noq shi we rvcv́ng cè vsak gvzà té rá ì we Shaq ré tiq gǿ nvng vhøm lv́m rvt nøt rvt shi ya:ngì. Lvngdøm taq ang nø angí láò we ,Jò lòng, døngman lòng angí lá lún ya:ngà.

Rvcv́ng cè tiqgǿ í shá rà we dvrá svng gún dvtøp nø cv̄n shi ya:ngí. Me pvng Romá svng dì nø we yv́ng taq rvcv́ng cè rì dvdv̄m vshat lv́m, ne gv́r lv́m rvt zùng tiqzùng poq ya:ngà. Yudá rì svng vtù ò dá:ngí shvngø̀m ré kaq svng gār we kàrū “Dialogue with Trypho” svng vrū ya:ngà. Emperar koqkv́m kaq svng gø Apologies (2) gø̀m vrū shvri ya:ngà. We rvt ang nø Aurelius wūr taq mòngkà rvt, Gvray dvpvt rvt shat we vhǿm ya:ngà.