Mvjòr rì svng gōè.
Shóngshø’ng we pèmè vnvmchvngmaq, Rvtø vrvm Gvray jèjú vdòng taq Mongzøl dø Cúnshì lúnìe, wè mvdvm, Nī v-rvm Gvray móngkà svng mvngú nø, Pvlàcè nònggùn kūnga lùshì lúnì we gø Gvray gvsangò jèjú íe.
Dènio, Mati 11:28-30 vdòng taq nø, Mvjòr rì svng gōè. Mongkà tiqdòng vzàng røshì lvm wàì.
“Vlishì we døngjá èrínøng nø mèjòrnøng rì namaqé, Ngà yv́ng èdi ránøng; Ngàí namaq svng nārshì dvzv́ra:tnìni. w 29 Ngà paqdv̀ng èrínøng nø, Ngà taqkèní ècv̄nshì ránøng; pàwálv́m wani Ngà nø nøt kø̄n nø cipshø̀nge. Wekvt namaq dòngnøt mvsø̀n* dvpvt nārshìrà lá èlún lóngnønge. x 30 Kadø íe wani Ngà paqdv̀ng nø rí nàm nø, Ngà døngjá gø vnànge,” wae.
Kristu vdòng taq Vpø’ íwe vnvmchvngmaq, Dèni Gvray Dvbùshang móngkà taq, “Vlishì we døngjá èrínøng nø mèjòrnøng rì namaqé, Ngà yv́ng svng èdi ránøng; wā Vkangpè Yesu Kristu í Nøngmaq shvngbe svng ègō íē. Nøngmaq nø Vdá mvgamì we íni gø, dvsha ì we íni gø dèkv’m yangshà. Cúnshà ì we lvpat taq yvklvm, vhøtlvm, yòrlvm rì svng gø’ v-rvm lvpat taqkèní vhø’mì nø shvle i taqsórí rvtø vrvm Cúnshì lú:nìe. Wè yvklvmrì svng Vkangpè Yesu kaq Kvmnøntní tvleshàì nø, Ká:mì weí jór lún we nònggùn kūnga vzàm rì svng lún dèzá:rìe. Wervt Angdèo yvklvmrì svng Vkangpè Yesu Kristu taqkèní lá lúnlvm, tvleshì lúnlvm nø gvzà vchvkngè. Vpø’ íwe pèmè vnvmchvngmaq, Kristu Gvrayò paqdv̀ng nø rí nàm nø døngjá gø vnangè, wā dèkv’m yangshà. Wervt Cúnshàì we lvpat taq dvshà mvhøtlvm, yvklvm rì kadv’ngte luq nigø, vhø’m v-du we íni gø Vkangpè Yesu Kristu Gvray vdòng taqø rvtø vrvm Cúnshì nø, dvgøqshì nø Pvlàcè kvmnønt nònggùn kūnga lùshì laqlúnì shvngbe svng oqā, shvngbe svng Pamvra.
