Mvjàn shìwvt svng shvzøm lvm dvpvt mvtú lánø vrashì we tvrà svng tóng ràwe

Yani la vdòng Ukraine móngdàn nvng dvgá mònggvn móngdànrì mvme taq vtang shaq nøtbùm lvm mvjàn rì tiqkvt vrá bum ráì we dvjà taq móng vsvngrì lvpvt gønshaq rì zíshìnø chøm døngkurì vrøl we gvzà vl bøì.

Yadø íwe shìwvt svng shvzøm lvm dvpvt nø shvnvt mvzø rì láng nø mvjàn tvrà kèní kadøgø bøn daq lvm mv-vl, vsvng shvdaq vpø shvring kewe nøt mvsøn Gvrayò dvsháza shóngnøt kèní mvtú lánø vrashì we tvrà svng tóng dvzaqshì lvm vchvk mvdøng íráì.

Ya lvbán vdòng mònggvn móngdàn vrvm taq v:lì we rvcángcè rì shvngbe taqkèní yadø íwe mònggvn shìwvt dvjà lòng cvn cvn zøm lvm, mòngzøl we tvrà scng ruq lúnlvm dvpvt Gvray kaq vjúrøt dvbangā lvm wàì wanø Pope Leo XIV taqkèní dvtú mòngkà vrìng bøà.