Yesu vjú røtkà
Shvngbe svng pamvra deni Gvrayí ziwe rvtø shvla vdùng taqø dvdvm vjvng nø Pvlacè nvnggùn lushìlvm Gvray mòngkà
Wekvt Yesuí, “Muqlàng rvgaq Angkàng pè Vpèá, Nà svng oqà wv̄nge. Kadø íe wani, yadv́ng pv̀n nø zitnøt rálnøt vl rì nvng gvcvt paqzí vl rì taqkèní Nàí èmáò nø, cv̀mré rì* svng lè dètan daqà. tu 26 Íe, Vpèá, Nà èwv́mshì we nø yadøni ílv́m lòng ni íe. 27 Vl dv́ngte shvngbe nø Vpèí Ngà svng tvleshaq íe. Vpèí wa mø̀í nìnø, Angcè pè svng sháò vsvng tiq gǿ gø màvl. Vrá, Angcè pè nvng A:ngí dvtánā mvyǿ gǿ wegǿí wa mø̀í nìnø, Vpè svng sháò vsvng tiq gǿ gø màvl,” wae.
Deni mòngkà taq Kàngpè Yesuí Yesuí, “Muqlàng rvgaq Angkàng pè Vpèá, Nà svng oqà wv̄nge. Kadø íe wani, yadv́ng pv̀n nø zitnøt rálnøt vl rì nvng gvcvt paqzí vl rì taqkèní Nàí èmáò nø, cv̀mré rì svng lè dètan daqà wae.
Gvray nvng sing we Gvrayò zitnøt rálnøt nvng gvcvt paqzí rì svng nøt cipshì vsvngrì ímvng nø ìshøt ìgv̀n lúnòe (Mati 5:5) taq wae.
Kàngpè Yesuí nø ang coqcvnrì svng cv̀mré rìò kv’mnønt nvng nøt vlø’mshì døni Muqlàng rvgaq Angkàng pè Vpè Gvray svng nøt vlø’mshìlvm dvshvt we íe.
