Vrum døngnì rvgaq kaq svng Dvbu shvng tvra wa ò we zilangrérì ò vshòwe nøt mvsøn

Vrúm rvgaq svng dvbu shvng tvra wa ò wè zilangrérì nø Gvray kaq svng shóngshì we nøt,vsvng rí svng chutchvng lún lvm tvra shádvzvr mvyø nøt nvng vcømkvm shi nøt rì vlwe Zilangré rì íe.

1.Gò we tvra kaq svng vto mvyø nøt vl we
Gvray Gvsangí gò we tvra kaq svng vto ò nø yvk we rvgaq,byo we rvgaq, maraca:ngo dø Gvray bunli taq dvzøm shi è.
(Marko 16:15)-A:ngí angmaq svng{Namaq nø móng døngtáng svng èdìnøngnø, svngpvn í dvngte svng Dvbùshvngkà dèshvng bønøng.

2.Vcøm kvm shì we nøt vl we
Vde dvpvt yuqyà we rvtø nvng vdeò vdá mvgām lún lvm dang rì kaq svng gu:ro nø dvgá vsvng vjú lú lvm dvpvt Gvray bunli dazøm shi e.Vzaq shi we nøt vl e.
Dilvm tvra yvk we, shøn we ka mabóng we, nvng dvgá vgám we tvrari kaq vtù lun nøt nònggùn vle.
(Yoshua 1:9)-Nà nø nònggùn dèkvngshi, nvrøm dètéshi; mèsèreni, nøt mècvmni. Pawálvm wani nà kayvng èdi nìgø,Gvray Gvsvng no nà nvng tiqdø vl longe, wvng Ngaí dvkvm bøngà we møí ma? a:lòe.

4.Shøngnøt vl we nøtSvngpvn, noqngøm tvra, dvshà we rvgaq ,byo we rvgaq mārvca:ngo dø svng gø vrvm kaq svng Gvray shóngnøt ní dvzøm shiē.

5.Nøt yvng sóri tønshi e.Lún lvm vjú mvyvngshì ni gø nøt mvcvm, zvn dvtut Gvray bvnli taq dvzøm shi e.
(Galatia6:9) -Wervt nøngmaq nø shvla we bvnlì wàlvm rvt nøt laq mvtì:nì. Pawalvm wani nøngmaq nònggùn mvnønshàì kvtkèní nø, ang rvtø vhøm ra dvgvp nøngmaqí shvrvtnvm lún lú:ngìe.Kàtvng; Vrúm døngni rvgaq taq apnóng shi we Zilangré rì o nøt mvsøn nø, kà ta we, vcøm kvm shi we, vzaq shi we ,shóngnøt, nøt yvng nøt we rì nvng kømgøm sóri Gvray dvgòng dvta:no we svkserì íe.