Pope Leo XIV ò dvtú Mòngkà

Shóngshøngwe vnvm vchvng maq shvngbe svng pàmvrà “Mati 11:25-30 taq Yesu vjú røtkà nvng Mvjòr rìsvng goò we dang svng 6v:ngì dvgvp Kàngpè Yrsu àngò dvsháza shóngnøt svng yvnglú, síngshá lúnì we íe.

Yesu Kristuí nøngmaq svng mvgvm màshvla we tvrà kèní kupgv:rā we ínø gønshaq tvrà svng èshø:lìe.

“Vlishì we døngjá èrínøng nø mèjòrnøng rì namaqé, Ngà yv́ng èdi ránøng; Ngàí namaq svng nārshì dvzv́ra:tnìni.” wanø Yesuí bashàrì kaq mvrà døng kèní èchut èchvng bøshà we íe.

Mati 16:24 taq
” Wekvt Yesuí Ang coqcv́nrì svng a:lò we nø, “Ngà mèpvng cv́n mvyǿ we kagǿ gø, vdè svng ngálshi nø, vdè wurgang baqshi sórí Ngà mèpvng laq cv̀n ra.” wanø dvciq lvpvt gønshaq tvrà svng dvtú ráà we íe.

Shóngshøngwe vnvm vchvng maq Yesu wurgáng baqshì nø chutcháng we tvrà svng diwe tiqgø vrvm dvpvt Mati 11:29-30 taq chvpdvp vtánshaq íwe svng yvngshìe. Mvjòr nø døngjá vlishì we vsvngrì kaq à:ngì kadvgvp gø dèba:ngì we dvng shvdøm we íe.

Yesu Kristu nø bashà vsvngrì dvpvt shvngøt shú svra, chutcháng shú tiqgø íwe mvtaq cì svra tiqgø kugø l, dvzømshú kugø dvsháza shóngnøtí tubúm dvbangshì we íe.

Yesu Kristuí mvrà vlwe bashà vsvngrì kaq wurgáng mvdà gønshaq zíshìnø shìlòng svng jórlún bøàwe tvrà vdòng bashà vsvngrì kaq dvciq lvpvt gønshaq tvrà svng èshø:lì we íe.

Yesu Kristu nø bashà vsvngrì dvpvt lòngzàpè Gvray tiqgø, nøngmaqò àngnvm àngchvng tiqgø nvng chutcháng shú Gvray tiqgø ku nøngmaq svng rvtø vrvm shøngnøtí dèba:ngì we írvt àngò dvgùng gùngshvng rìsvng shvngring shvtàì taqsórì mòngzøl we ìshøt jejú lvpvt svng vtoshì lúlvm dvpat kadvgvp gø àngyvng svng vjúrøt dvzaqshì lvm wàì.

Photo Credit: Vatican News