Kàgvp angshvr taq Muqlàng dvzvrí kà dvtá (3)dang

Kàgvp angshvr taq Muqlàng dvzvr íkà dvtá (3) vlé, we rì nø, (1) Zacharia (2)Maria
(3) Yoseph maq íe.

Zacharia svng kà dvtá ò wedang, ( LK1:5-25)Zacharia nø shvrúngshú vtóng dø tiqdvchá Vkàngpè noqngø̀m Tø̀ngnø vdòng taq, A:ngí ngórcì wá:rò rvtø̀ taq, Vkàngpè dvzv́r tiq gǿ nø ngórcì wv́rrà vbàng pāø rip daqì nø, ang svng dvtánshie. Wekvt muqlàng dvzv́r gǿí ang svng, “Zakariaá, mèsèreni. Nà èrøt kà Gvrayí ètáā bǿì. Nvchø̀mmè Elizabetní nø nà dvpvt angcè tiq pè gv̀l daqòe. Ang bø̀ng nø Yohan, wa tǿ ràe. wa nø kà dvtá yvngà.
#. Langà svré gvldaq ò we svng Muqlang dvzvrí kàdvtá ò we(9)gø vl we taq Tiløp Yohán nø(8)gø wá gø íe.

(1) Abrahem nvng Sarah taq kení Isaac gvldaq ò we dang, (NL21:1-3). Gvray gvsvng í vshǿnshaq kà dø, A:ngí Sara svng dvdv̄m rǿn daqa.Gvray í dv́nā yà:ngà dø tiqdvchá, A:ngí Sara dvpvt wáā daqà. Wervtnø̀ Abraham ang svrǿng ráì dvgvp, Gvrayí ang svng dv́nāò we vgv̄nshaq rvtø̀ taq, Sara cv̀mrégóng í nø Abraham dvpvt angcè tiq pè gv́ldaqà.

(2) Isaac nvng Rebekah taq kè ní Esau nvng Jacob ní gvl daqà we dang, (NL 25:21-23) Isak ang chø̀mmè nø vdǿm í rvtnø, a:ngí ang chø̀mmè dvpvt Gvray svng vjúrø:tnòe. Wekvt Gvray í ang røtkà svng táāò nø, ang chø̀mmè Rebeka nø cv̀mrégóng í yà:ngì. Iwe, ang góng vdòng taq cv̀mré gǿní nø vrùle. Wekvt ang nø, “Ngà taq yadø nø kadø bø̀n ráì we í ma?” wa Gvray svng røtshì nvng dìá:mì. Gvrayí ang svng vtá:nò nø, “Nà puqwá taq nø vsvng vní dvcì zv́ngshìe; Nà góng kèní vsvng vní pv̀n ègv̀l daqò nø, angmaq nø vwálshì longe. Tiq dvcì nø wádø tiq dvcì mvdv̀m té nònggùn kv́ng longe. Tē pèí nø cv̀m pè svng dvzøm lú:ngòe,” a:lòe.

(3)Yakú nvng Leah yvng kè ní Reuben gvl daq a we dang ,(NL 29:31)
Leah svng mvshòngkéò we svng Gvray í yv̀ng bǿà kvt, A:ngí ang svng angcè vdá dvzá:ròe. Iwe Rakel nø vdǿm í yà:ngì.
Wekvt Leah cv̀mrégóng í nø, lvngà shvdv̀ng tiq pè gv̀l daqà nø, Ruben* wa bø̀ng tǿ òe.