Venezuela móng mvnnøn shìwvt vhøm bøà we dvjà dvpvt Pope Leo XIV taqkèní vjúrøt dvbangā lvm dvtú we
Venezuela móngdàn vdòng taq bøn bøìwe 7.2-7.5 zìdvng nvnggwòn vlwe nvmnøn vnvnshì bøì we shìwvt rvt móng vsvngrì 1500 rvzé gø shì bøì wervt shvngbe taqkèní dvsháza tubúm dvbangā we bvnlì kèní dvzømshì lvm dvtú bøà we íe.
La Guaira wamà taq rvzaq rvna bønbøì we ínø tubúm dvbangā we bvnlì wá mvbt íwe vdòng vsvng 7000 rvzé vmvng we dang dvtú bøà we íe.
Pope Leo XIV taqkèní dvtú bøà we mòngkà taq Venezuela móngdàn vsvngrì nvng tiqdø nøt yòl we dang, rvtø vrvm vjúrøt dvbangā we nvng mònggvn móngdàn vrvm kèní gø vjúrøt tubúm dvbangā lvm wàì wanø dvtú bøà we íe.
Caritas (Catholic shvngømré svngpvn dvsháza bvnlì ràlvng dvp) kèní gø tubúm dvbangā we bvnlì rì nvng pø gvmsùng kèní dvbang dvzaqshì mvbt íwe dang dvtú bøà we íe.
