2026 Jun 21 ni Svrabyín Koqkvm pè Leo (14)í Angelus vjúrøt we tvyø Shvngkà mvdøng

(1) Dvbùshang móngkà dvshér we nvng àngde i vhø’mshì lòng (Evangelisation and Personal Encounter) Mati (10:26-33) ciq svng mvtu we Shvngkà, dvbùshang Mongkà dvshvngshì lòng nø Paqzi pvnya mø-í ni lv’ngshì we dvre rì mvdvm nøngmaqò Nønt mvsøn vdòng Vkangpè Yesu Kristu nvng vhø’m shì bø’ì we Dìngman we mvkøm mvdøp svng tiqdvng vsvng kaq dvtit tvleā lòng íe.

(2) Shøm wace Dvdvm we Dvdvm mvrøt we (Contemplation for All) (St. Thomas Aquinas)ò dvkv’m Kà svng mvtu nø angdè í dvdvm vjáng shì lòng svng tiqdvng vsvngrì kaq svng dvtit tvle lvm, shø’mwace Dvdvm vjáng shì lòng nø dvzømshú rì, Shvrúngshú rì dvpvt wa mø-í nø, vsvng gø’ v-rvm mà ta we rvtø rì vdòng yv’ngkèní Gvray shøn Kà svng tá vpvn lv’m rvt shø’mwace Dvdvm lvm dvpvt rvtø tiqlòng zílvm dang, wèlong ínø kvmnønt svng Dø’ngvng dvzvr dang

(3) Vhø’mshì we banchvk rì yv’ngkèní jór lúnlvm (Overcoming Challenges) denila rvzvngcerì gø vzàng kaq bø’n we mvbø’n pàdø, vhø’mshì mvbø’n rì svng vhø’mòe. Wervt vtu vgám lòng svng shóngnøntní, í dø’mshì lòng svng vnvp we laqyà taqkèní, Nønt dvt Nønt dvshà lòng svng vzaqshì lòng kèní vgám lúnlvm dvkv’m we

(4) Mònggvn dvshà mvhøt yvklvm vhø’mò rì angni mvsvt gømlā (World Refugee Day) Angelus vjúrøt rvtø dv’ngí Svrabyín Koqkvm ínø Mònggvn dvshà mvhøt vhø’mò angni (75) nøng mvsat døngsat ku móngdàn v-rvm shølshú vgo rì taqkèní dvja angdang dang rvt yílshì vhø’m bø’à rì svng vná we mø-í dø kùpgar lvm nvng vsvng tiqgø’ò dvgùng nvng vbóng vtuk dø vtō lúnlvm rvt lvpshì dang

(5) Nønt cvm we í vjúrøt Kà (Prayers for Brazil) gvzà malé dvgvp parazi móngdàn, (Ceará) móngwál taqø Modo vtøp nø bø’n bø’ì we banchvk rvt mà-vl bø’ì we cvmré cerì dvpvt vjúrøt dvbvng lv’m bvnlì svng gø Svrabyín Koqkvm taqkèní vkvtdø dvkv’m bø’ì we íe.