Dvsháza bv̀nlì rvt màdvshv́ngshìlv́m
Shvngbe svng pamvra deni Gvrayí ziwe rvtø shvla vdùng taqø dvdvm vjvng nø Pvlacè nvnggùn lushìlvm Gvray mòngkà
Deni mòngkà taq kà nø gvzá shvla dø shønì gø’ dòngnøt mvdøng ínìnø døngmàn shvla we rvcángcé tiqgø’ sòn mvlúnshì. Bochē mø:tnò dø nø mèwànøngni.
Kàngpè Yesuí namaqí shvla we bv̀nlì èwànø̀ng ke vsvng mv́rdv̀ngø dvgùng lúnlv́m rvt èwànø̀ng we laq mø̀í wae. Wedø èwànø̀ng nìnø namaq zìbè pà gø mèv́lā dánøng. Iwe, nàí dvsházā bv̀nlì èwàò dvgvp, nà vbàng wū:rí èwàò lòng nø nà vgwé wū:rí laq mvsháò.
Júrøt we taq màshvring shìlvm dvshvte. Nøngmaq rvcángcérì dvpvt yínníshì we zìbè laqyà shvlá dvtvnshì nø Gvray mòngkà svng cvn dvgøm we ínìnø Pvlacè shvlut we jèjú vtōshìlvm ídaqe wanø mòngkà taqkení shvdøng shìlvm waì.
