Wa Svrabyin Leo, Barcelona mvring Sagrada Família Noqngøm tøngnu svng Shvmv’nà we
Spain Koqkvm Døngku vsvngrì, móngdàn øpshú Du gamzø rì nvng go rø Sen ku lúm we Kvmnønt vl vsvngrì nø, Nár vshøm ni dørøm tut Missa Noqngøm we taq dì nø lúm bø’ì.
Yesu Heuristic Tower(mvsóng)svng vrvng dv’ngò we nvng Basilica nø vháng kaq metre 172.5 dv’ngte vháng we ínø, Mònggvn taqø vháng vtv’ng Noqngøm tøngnu i á:mì.
1882 nøng taq wá pvngshì yangì we ínø, Architect Antoni Gaudí wā tøshì pè taqkèní yalòng bvnlì svng wáshì yangì. Mònggvn mvzvn rvt nø Nár shì yangì we ínø, àngnøng (144) nøng vlé bø’ì mèpvng wā wá dvtvngshì bø’ì nø June 10, 2026 Angni taq Wa Svrabyin Leo XIV Wur taqkèní Shvmv’nà nø poqā bø’à we íe.
