Dèsháng vrá Pvlàcè nònggùn lùshì lvm Gvray móngkà nø, Mati 11:25-30 vdòng taqkèní íē.

Mvjòr rì svng go we

“Vlishì we døngjá èrínøng nø mèjòrnøng rì namaqé, Ngà yv́ng èdi ránøng; Ngàí namaq svng nārshì dvzv́ra:tnìni. w 29 Ngà paqdv̀ng èrínøng nø, Ngà taqkèní ècv̄nshì ránøng; pàwálv́m wani Ngà nø nøt kø̄n nø cipshø̀nge. Wekvt namaq dòngnøt mvsø̀n* dvpvt nārshìrà lá èlún lóngnønge. x 30 Kadø íe wani Ngà paqdv̀ng nø rí nàm nø, Ngà døngjá gø vnànge,” wae.

Vpø’ íwe pèmè vnvmchvngmaq, tashì lún bø’shà we móngkà taq
Vkangpè Yesu Kristu ínø mvjòr rì shvngbe àng bvtbum yv’ngø narshì lúnlvm rvt ègō íē. Dìngman dø, Døngman lòng taq narshì lúnlvm lòng svng Àng taqkèní cvnshì lúnlvm rvt dvtánòe. Pàwálvm wàni Àng nø Nønt køn nønt vl nø, Cìpshì nønt vlē. Vpø’ íwe pèmè vnvmchvngmaq, Yalòng Mongkà ciq ínø, Vkangpè Yesu vdòng taq Nøngmaqí wàì we bvnlì, dvzaq dvkvngshàì we bvnlì v-rvm taqø Nønt shvløm lòng nvng dvshá zā mvkok dvdí shóngnønt, nònggùn kūnga vtoshì lúnlvm vl dang dvkv’mè.

Nøngmaqò ni vrvm lvpat taqø vhø’m v-du we bvnlì døngja rì svng tùbùm dvbvng lvm, Tvrà dvtú lvm rvt Vkangpè Yesu nø rvtø vrvm nøngmaq nvng tiqdø tvpwā vl dang dvdvm dvzvrè. Vkangpè Yesuò Mvkok dvti shóngnønt vdòng taqø bóngzøp wáshì nø Tiqdvng vsvng kaq Vkangpè Yesuò shóngnønt svng dvtit tvle weí, Nøngmaq taqkèní gø Mongzøl lòng nvng mvré zā mvkok dvdí shóngnønt svng dvbung lúnlvm, shvkse wáshì lúnlvm i daqè. Vpø’ íwe pèmè vnvmchvngmaq, Nøngmaq dvzaq dvkvngshàì we bvnlì vrvm taqø Vkangpè Yesu svng Kvmnøntní vnvpshì nø tvleshì laqlúnì. Vkangpè Yesuò Vpø’ vtv’ng, Ring vtv’ng Mvkok dvdí shóngnøntní nø Nøngmaq svng àngshvr wáshì dvzvr nø, nònggùn kūnga dvnzøng dvzvrè, walòng svng vkvtdø shvdømè. Mongkà ètashìnøng we Shvngbeí Gvray mongzøl lòng vtoshì leqlúnøng Shvngbe svng oqā.