Cvmré svng nø Gvrag mòngka taq kení shvnøt mvtú ra we

Vpeme tāwun
Pēmè ri nø cvmré bun shi rvtø we ni ke ní v pè v me dàwūn nam lat hpáng shi we ni íe. Cvmré go ni se dvgvp pēmè wvr góng taq mv kuq shi ni gø té long ti dv chá góng mvr svm dang taq dvzøm mvkup ra dø Gvrag svng kám shi lvm ,nøt laqya shvlá lvm, shagóng nøt shiqshan se zún shi lvm ri rvt cvmré ri svng dvpáng dvzøm shvnøt ā rae.

Cvmré shagóng shiq Shan se té lvm nø pēmè ri ò shóng nøt zøng we laqya ri nang mvkup roqrim ra e.Cvmré nø pēmè ri taq ke ní shvla we lvqya ri lún lvm gvza vchvk we íe.Cvmré ri svng Jo we, shvla we,ka ri shøn na rae.Cvm ré dvgvp ke ní gvza shvngøt mvtú lvm vchvk we í rvt páng mv kvt ke shvla dø se shvngøt mvtú lvm wai.Páng kvt bø ni nø nøt yur lvm wa í daq e.

Cvmré svng shvnøt lvm té shvla dang nø Gvrag mòngka taq kení shvnøt mvtú we nø té vjú vl long e.Peme ri í shvnøt mvtú we ka ri nø vsvng ka møí nø rvtø vrvm svng øp we vsak kang pe ka í we svng cvmré ri nøt ngan taq mvzøng shá shi dø shvnøt rae.Wa dø tiq chá pēmè ri í cvmré ri svng shvla dø mvtú roqrim nøng wa dø tiqchá vde cvmré ri nøt mvsin taq Jo we,
døngman we svng cvmré ri nøt taq vto shi høq pēmè ri shvnøt dvtí ràe.Vdecvmré ri svng dvtú shvngøt I ke rum nvng se ri ó shvdóng we ri,angnøng nam shvdv shvdóng nø shvnøt ka shøn we svng vyá shi lvm wai. Cvmré ri ang pvn dang kvq mvbøn mvjor long ke svng dv ká dø ri ó shvdóng nø shvnøt o ke cvmré nøt vhvng lvm mv vl nø nøt dvd nøt yúm we íe.Peme ri nø ang pvn pvn rvt nø nøt mv byo cvmná rí ke cvmré ri svng cvmná rí nø vdip shvngøt o ni nø cvmré nøt nø køn we ī rvt shá shi lvm nøt Nyan vhvng lvm taq vgvm o we íe.

By Teresa Ning Dang