Yesu tvle nøt shvlǿmshú dvzv́r daqò we
Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà
Inìgø akvt Ngà nø, ‘Ngà svng dèzv́r dakngà Pè yv́ng svng longvme. Iwe namaq kagǿí gø, Nà kayv́ng èdivme?’ wa nø Ngà svng lemèrøtshà ni? Ngàí namaq svng yadv́ng pv̀n shø̀n bǿngà rvtnø, namaq taq nøt dvshà lòng èzø̀ngv́msha. Inìgø, Ngàí namaq svng kàdøng v̄la:tnìni, Ngà longvm lòng nø namaq dvpvt té shvla we íe. Ngà mvlong kèní nø, nøt shvlǿmshú Ang nø namaq yv́ng svng mvdi daq. Ngà longvm kvt mv̀ng Ang svng Ngàí namaq yv́ng svng dvzv́r dakngòe.
Ang tuq daq kvtnø, rvgaq tø̀m vsvng kaq A:ngí, mvrà vl dang gø, døngman dang gø, kàngélv́m dang gø, vchaqò nø dvshat lú:ngòe. f 9 Mvrà vl dang vchaqò lòng nø, angmaq Ngà svng mvkv́m rvtnø íe. Døngman dang dvta:nò lòng nø, Vpè yv́ng svng Ngà longvm nø namaqí Ngà svng mèyv̀ng lóngshà rvtnø íe. Kàngélv́m dang dvta:nò lòng nø, rvgaq yalòng øpshú dùpè svng kà vrvtshaq íá:mì rvtnø íe.
Nøngmaqò kv’mnønt nø vdè dvzaqshì rvtnø bøn we mví, Gvray Gvsangò shvmán jèjú rvt íe WA svng dúmshá rae. Gvray Gvsangí nøngmaqò dùng nønt mvsøn bángkà vtánā rvt Kàngpè svng shálúnì we íe.
Ngà longvm lòng nø namaq dvpvt té shvla we íe. Kàngpè Yesuí shvnshér Pvlacè nø nàmaq svng dvbvnglvm nvng rvtø vrvm tvrà shøl mvkok lvm dang vchaqò nø dvshat we íe. Nøngmaq tiqgø’ svng gø’ lvnglvm mví. Nøngmaq svng shvnshér Pvlàcèí tvrà shøl we vdùng cvnì nø kv’mnønt tvrà dang taq zv’n dvdut dvzaq dvkangshàì. Nøngmaq nørø’m bángkà tvnì nø Gvray mòngkà svng vtoshì leqlúnì.
