Ngà svng shòng gǿ nø, Ngà kà svng gø cv̀ne
Ngà dvkv́mkà svng vtoò nø̀ cv̀n gǿ nø, Ngà svng èshòng gǿ íe. Ngà svng èshòng gǿ svng nø, Vpèí gø shù:ngòe. Ngàí gø ang svng shòngò nø, Ngà vdè gø ang svng dvtánshìlv́m íe,” a:lòe. (Iskariot pè mø̀í we) Yudaí Ang svng, “Vkàngpèá, kadø í rvt Nà góng nø rvgaq svng màdvtánshishaq nøngmaq svng wa dvtánshìlv́m èwa ma?” a:lòe. Yesuí vtá:nò nø, “Ngà svng èshòng gǿ kagǿí gø, Ngà kà svng cv̀n lú:ngòe. Vpèí ang svng shù:ngò nø, Ngàní pè nø wegǿ yv́ng di daqshì nø, ang nvng v̀llv́m íe.
Ngà svng mèshòng gǿ nø, Ngà kà svng gø mvcv̀n. Namaqí ètánøng we kàrì nø Ngà kèní mø̀í, Ngà svng dèzv́r dakngà pèò kà íe. Yadv́ng pv̀n nø, namaq nvng shini à:lì dvgvp Ngàí dvtá bǿshà. Iwe Vpèí Ngà bø̀ng taqkèní dvzv́rlv́m dá:nò we nøt shvlǿmshú Shànshér Pvlàcèí namaq svng shvngbe shèngøtnvtnøng nø, Ngàí namaq svng dvtá bǿshà rì í dv́ngte gø dvdv̄m rǿn dèzv́rvtnønge.
Deni mòngkà taq kv’mnønt nvng shóngnøt vlrì dvpvt Gvrayí Kàngpè svng dvtvn we íe. Polo nvng Barnaba níí gv̀l daqà ni kèní hí vze nø, hí tángní vshíshaq tiqgø’ svng dvbvnò døni Gvrayí nøngmaq svng dālvm høq íwe bvnlì wàlvm egoshàe.
Wedø ínìgø vchvk mvdøng nø Kàngpè Yesuò dvkvmkà svng cvn nø nøngmaqò shóngnøt svng dvtvn rae. Nøngmaqò lvpat taq Kàngpè svng cvn nø gálòng dvgá rvmnvng rvmjarì svng dvtvn lalúnì.
