Shvngbe mvdvm Vkangpè Gvray Mongzøl lòng vtoshì leqlúnøng Shvngbe svng Pmr!
Dèni dvdvm vjáng nø nònggùn lùshì lvm Gvray móngkà nø(Yohan 6:16-21) vdòng taqkèní íē.Dènio Gvray Dvbùshang Mongkà taq…”Meshvre nøngnì ngà øngàe” wàe.
Kristu vdòng taq Vpø’ íwe pèmè vnvmchvngmaq, vsvng wà pvn nø svre shá íe. Shaqcvmì rì í shà we mvdvm Svre téwa sháìe. Kagø’ ínìgø vdá mvgvm vl lúnshì rvtø , vsin byēè wā yv’ngshì rvtø, Svre lvm vhø’mshì rvtø taq íni gø, dvshá mvhøt vtv’ng vhø’m shì rvtø taq íni gø, Shiqshan lvm mà-vl ra dvgvp Svre lvm lòng nø téwa téshàòe. Dèni Vkangpè Yesu Kristu í nøngmaq shvngbe kaq svng nònggùn kūnga zìe. ” Meshvre nøngnì ngà øngàe”. Nøngmaq nø kadø íwe rvtø taq Dvshà mvhøtlvm rì vhø’m v-du ra nigø, dvshà mvhøt yvklvm yv’ngkèní Kristu Gvray nø, nøngmaq shvnangø rvtø vrvm rì:pmà nø vlē. Nøngmaq gø’ vrvm taqkèní le Gvray gvsang kaq yv’ng lúnlvm, lá lúnlvm gvzà vchvkngè. Gvray gvsangí nø nøngmaq kaq svng dvbvng lvm rvt tvlú cāè. Rvtø vrvm nøngmaq svng kūnga shaq zìe. ” Mesvre nøngnì ngà ni øngàe” wànø dvkv’m dø tiqdvchá dvzvr rì dø cúnshì nø nònggùn kūnga lùshì laqlúni!
Yohan 6:16-21
“Yesu tì mvdv̀m di we”
_ Dørø̀m høqa:tnà dvgvp, Ang coqcv́nrì nø tìnúng svng shúngshìá:mì nø, f 17 kùngshí tiq gø̀m taq zv́ngshì dá:ngí, tìnúng kupa Kapernum svng rvpshìe. Wedvgvp nv̀m døá:mì nìgø Yesu nø angmaq yv́ng svng shini mvtuq ra. 18 Nv̀mbø̀ng mvrù mut ráì nø tìma gø búng mvnshì lú:ngì. 19 Angmaq nø ming vshø̀m vbì dv̀m* dv́ngte rvpshi bǿì dvgvp, Yesu nø tìnúng mvdv̀mdv̀m di nø, kùngshí gø̀m shvnvngø tvp níshì ráì we svng angmaqí yv̀ng bǿà nìnø shérvkaq svre lú:ngì. 20 Yesuí angmaq svng, “Ngà ǿngàe, mèsèrenøngni,” a:lòe. 21 Wekvt wa angmaqí Ang svng kùngshí vdòng svng dvgòng bǿà nìnø, kùngshí nø wela:ngí chàng angmaq di yv́ng svng tuqá:mì. Mongkà ètashìnøng we Shvngbeí Gvray mongzøl lòng vtoshì leqlúnøng Shvngbe pmr.
