Gvray Bvnli ríò we Jau vyà (50)nøng gøm Vshé Jubilee Bóy
Jau Peter Malang Nawng Maw ò Gvray Bvnli taq Dvzaq shi we (50) nøng gøm Vshé Jubilee Bóy Oqa wa noqngøm we Missa kagvp nóng we svng 10.4.2026 ni vsháng 8:00Am rvtø taq St.Gabariel noqngøm chøm, Tatkone,Sanpya, Myitkyina yvng Svrado wá lún bøa.
Jau Peter Malang Nawng Maw nø 4.4.1976 nøng taq Jau vyà svng kam shi yang ìwe svng gø shá lún shì e.
Jau Peter Malang Nawng Maw ò (50) nøng gøm oqa wa bóy yang Svrado John Mung Ngawn La Sam, Svrado Francis Daw Tang, Jau ri. Mvdo vrvm keni Mama ri,Brother ri,Mòngkà Svrapè/Mè ri nvng Shvngømre vsvng nvng Mòngzøl ce wá lún baà.
Jau gvba Peter Malang Nawng Maw nø Vshaq pè Yoseph Malang Seng nvng Vshaq mè Teresa Maran Nang Koi niò àngcè íe.
Jau gvba Peter Malang Nawng Maw nvng Wa Jau gvba Joseph Labang Tu nì nø 4.4.1976 nøng taq Myitkyina St.Columban Cathedral Noqngøm chøm yvng Svrado Gvba Paul Zinghtung Grawng ò wur taq nvmlvt Jau vyà svng kàm shì we íwe svng gø shá lún shìe.
