Svrabín Koqkam pèí Mvngvng vgo wa shi ri svng lvnat ri lvng lvm shøn we dang

Vkàngpe yesu shí yvng kení zuná:mì we Easter zun bóy taq Svrabín Koqkam í Mvngvng vgo wá shì ìwe shaqré shaqtvng rì svng lvnat ri svng lvng nø shvla we dang ri taq kení vrvm vrá dang svng rvsvng lvm røtshi we íe.

Lvnat la shi we vsvng ri shvngbe gø lvnøt mvlvng lvm Svrabín nø àngngo vtong dvrá vldø Urbi et Orbi (Roma Móng nvng Mvngvng vsvng shvngbe svng Easter zun bóy Mòngkà zí bø awe íe.

St.Peter Noqngøm wang yvng vjúrøt di we shvnggømré vsvng ri kaq Svrabín koqkam í shøn we nø mvjàn gvsat we tvra svng í dvzvr we Dù gàm zøri svng gø Mòngzøl long svng rvsvng lvm datú we íe. Ya Mòngzøl long nø mvrø we, Shvnip Shvnvr we dang kení Mòngzøl we dang svng là we mví lvm nvng tiqgø nø tiq gø vrvm vrá we tvrà taq keni Mòngzøl we tvrà svng lá dvzvr sha wa nø Svrabín í shøn bø a we íe.

Vkàngpe yesuò Mòngzøl long dang kení nømaq gø vliq vpong we tvra ri svng vto shai wa nø Svrabín koqkam pè Leo (14)í shøn we taq “Kàngpe yesu tiqgø íwa døng mvng we Móngzøl long svng zí lún we írvt shìwvt ri, gvyaq, vcat vhøm nønt mvsøn svng vkàngpè yesu svng tele sha í wa nø Svrabín koqkam pè í shøn we svng shá lún shi e.