Døngjá vl we Shvngømre vsvng ri vdede gø røt shi we vlmá?

Svrabín Koqkam pè Leo(14)nø (Mvra roq sacrament ) zì ri nvng vhøm we dvgvp mvjàn taq Døngjá vl we Shvngømre vsvng ri nø vdede shàlá dang we dvdvm vjáng lvm dvpat shøn we íe.

Svrabín Koqkam pè Leo (14)nø Lvban 5ni taq Apostolic Penitentiary yvng nøng vrvm waò we (36)boq Internal Forum poq ò we tintvn yvng tuq ya we vsvng ri nvng gø vhøm bøì.

Ya tintvn yvng Mvra roq we dang nvng sing we dang ri dvpvt Jau ri nvng Brother ri svng paqzí zi we svng waò nø Svrabín nvng vhøm we dvng í yalong tintvn nàr shi we íe.

Svrabín pè í shøn we taq ya long mvra roq we(Confession) nø svng mung pong vdòng taq Mòngzøl we nvng Vrvm vrá we dang svng bøn dvzvr we íe.

Svrabín Koqkam pè Leo (14) (St.John Mary Vianney)၊(St.Leopold Mandic) nvng gvza male ke (St.Pio of Pieterlcine) nvng Blessed Michal Sopocko) maq ò dø Mvra roq we kà svng ta we taq í Shànshvr vsvng í we Jau ri svng dvtú nø dømvn bøa we ìe.