Vpè Gvray gvsangò Mvré zā mvkok dvdí shóngnønt
Shóngshø’ng we pèmè vnvmchvngmaq, Dènio Mongkà Mk 12:28-34 vdòng taq Vkangpè Yesuí nø, Vpè Gvray gvsangò Mvré zā mvkok dvdí shóngnønt svng nøngmaqò Nønt mvsøn tiqgóng shvngbe taqkèní dvtán nø dvsher lúnlvm rvt dèkv’mì we móngkà mvshøl taqkèní íē.
Vkangpè Yesu shø’n we taq, Gvray gvsang kaq Kà shvdiq zíshì nø Sher we Kvmnøntní noqshì lòng nø, Gvray kaq nøngmaqò dòngnønt mvsøn tiqgóng shvngbe taqkèní shóngshì lvm nvng Tiqdvng vsvngrì kaq svng gø Angdè tiqgóng svng èshóngshì dø tiqdvchá shø’ngshì ràe wā dènio Gvray dvbùshang móngkà taq Vkangpè Yesuí dvkv’m nø shvngøt dvtúè.
Yalòng dvkv’m Kà shóngnønt Dvrá svng cvndvgøm lúnlvm rvt dvzaq dvkvngshàì we nøngmaq nø, àngde shvnvng vl tiqdvng vsvngrì téwa nø àngde mvwámshàì we vsvngrì, shóngnønt dvtán lvm rvt yvk dø’mì nø màzaqshàì lòng taq Mvré zā shóngnønt téwa dvtán lúnlvm rvt dvzaq dvkvngshì laqlúnì. Yalòng Dvrá me v-ní lòng nø nøngmaq Gvray kaq Ká:mì we Kvmnønt tvrà o Dvrá shvniq íe. Àngde nvng màshá wvngzà,(mø-í ni) v-toq v-tipmì tvrà taq mà zø’mì we Tiqdvng vsvngrì kaq svng Gvray shóngnøntní Kà tiqkàce v-toqshàì ( mø-í ni) bvnlì tiqlòng lòng taqkèní dvtán lúnlvm rvt dvzaq shàì. Vkvtdø wáshàì lòng nø Gvray gvsang nvng Tiqdvng vsvng kaq shóngwámshì lòngò Shvkse íe. Vkangpè Yesu Kristu í shvngøt dvtú nø cvnà we shóngnønt Dvrá lòng nø nøngmaq Na, Ngào lvpat taqkèní Kvmnøntní dvbung lúnlvm, dvsher lúnlvm, shvkse wáshì lúnlvm rvt shóngnøntní ègō ì lòng íe. Gvray gvsangò shóngnønt svng Kvmnøntní téwa dvbung lúnlvm, dvsher lúnlvm, shvkse wáshì lúnlvm rvt dvzaq dvkvngshì laqlúnì.
(Mk 12:28-34)Dvrá svrarìí Yesu vlø:tnò we
28 Angmaq wedø tasv̀ng vzø̀ng lā:ngí dvrá svra tiq pè dì ráì nø, Yesuí werì svng vdu vbóng dø tv̀ng bǿà we svng yv̀ng bǿà kvt a:ngí Yesu svng, “Gvray dvkv́mkà shvngbe kèní ring vtv̄ng ciq nø kāciq íe ma?” wa rø:tnòe. lm 29 Yesuí vtá:nò nø, “‘Israel dvcì cèrìé, ètá dánøng! Vkàngpè nøngmaq Gvray nø, Ang tiq gǿ wa í pè Gvray íe. Dvkv́mkà rì shvngbe taqkèní nv̀mlat tiq í we ciq nø yaciq íe; n 30 Nà tiqnøt shvngbeí gø, nà dòngnøt shvngbeí gø, nà shánøt shvngbeí gø, nà nònggùn shvngbeí gø, Vkàngpè nà Gvray kaq shóngshì ràe,’ wa ciq íe. o 31 Vní ciq wa ciq nø, ‘Nà vdè góng svng èshóngshi dø, nà tiqdv́ng vsvng kaq shóngshì ràe,’ wa ciq íe. Ya vní ciq mvdv̀m ring we dvkv́mkà nø màvl,” a:lòe. p 32 Wekvt dvrá svra pèí Yesu svng, “Svra pèá, gvzà vdu dø èshø̀n bǿà. Gvray nø tiq pè wa í we nvng; Ang wa mø̀í nìnø dvgá Gvray màvl. q 33 Tiqnøt shvngbeí gø, cíngrál nøt shvngbeí gø, nònggùn shvngbeí gø, Gvray kaq shóngshì rà we nvng vdè góng svng èshóngshi dø, vdè tiqdv́ng vsvng kaq shóngshì rà we nø, góngkøp wá:rò we núnglv́m nvng shvtnúngpà í dv́ngte mvdv̀mø té vpǿe,” a:lòe. r 34 Ang nø cíngrálnøt vl dø kà vtv́ngshì we Yesuí yv̀ng bǿà kvt, ang svng, “Nà nø Gvray móngdàn nvng mènàsar,” a:lòe. Wemèpvng nø, kagǿí gø Yesu svng tiq kà gø røt mvkvm bǿà, wàe.
Mongkà ètashìnøng we Shvngbeí Gvray mongzøl lòng vtoshì laqlúnì! Shvngbe svng oqā.
