Pope Francisí October 7 ni taq St. Peter noqngø̀m tø̀m taqø vjúrøt lìpùngmè wàlv́m íwe nvng mònggv̀n døng mòngzø̀l lv́m dvpvt vjúrøt lv́m
Pope Francisí October 7 ni taq St. Peter noqngø̀m tø̀m taqø vjúrøt lìpùngmè wàlv́m íwe nvng mònggv̀n døng mòngzø̀l lv́m dvpvt vjúrøt lv́m nv́rni ku mvsvt vrìng bǿà.
Svrabín koqkv́mpè Francis shø̀nwe taq “naqciq riqwe mvjàn shìwvt svmi rì vsor we rvtø̀ dvjà vdòng taq sv̀ngpv̀n dvcì rì dvhø̀, vnvm vchvngrì dvhø vshvt kéì we mvshǿl tiqlòng ni bø̀n bung ráì. Sv̀ngpv̀n dvsháza shóngnøt gv́lshì lv́m wài” wanø dvtú we íe.
October 6 ni taq mònggv̀n cø̀msaq mòngzø̀l lv́m tvrà dvpvt Rosary vjúrøt kùng wàlv́m dvtú shìbǿì nø̀ October 7 ni taq nø mònggv̀n dø̀ng mòngzø̀l lv́m tvrà dvpvt vjúrøt lìpùngmè wàlv́m íwe dang vrìng bǿà we íe. We October 7 ni nø Isareal – Hámas mvjàn bø̀n bung bǿì we tiqnǿng vhøm we àngni gø íe.
