Vléò rì kaq chutnā rà we

svng pamvra deni Pvlacè nvnggùn lushìlvm Gvray mòngkà Mati 18:21-35, vléòrì kaq chutnā rà we dang taqkení Kàngpè Yesuí dvshvt we taq Piter di ráì nø, “Vkàngpèá, ngà vnvm vchā:ngí ngà svng nàléngvt nìnø ngàí ang svng kadv́ng kvt chutnālv́m í ma? Shvngøt kvt dv́ngte nø vrv̄me ma?” a:lòe. Yesuí ang svng a:lò we nø, “Nà svng v̄lvtnøng, shvngøt kvt wa mvtaq; shvngøt kvt lòng shvngøtcé kvt gø èchutnaò wa nø shvdøm we dang tálúnshìe. Nøngmaqò Pvlacè nvng vtoqvtip we dang taq tāsvng tāle mvrà roqākélvm shvdúm we íe.

Mvrà chutnālúnò dang taq mvrézānøt shóngnøt vlrì íwa mví nìnø mvlúnò. Gvrayí mvré èzanøng dø tiq dvchá, namaq gø mvré nàzākénøng wa Kàngpè Yesuí dvtú shvngøtne. namaq tiq gǿ nø tiq gǿí namaq nøt vdòng kèní nvnvm nvchvng rì svng mèchutnānø̀ng kvt kèní nø, muqlàng taqla:pmò Ngà Vpèí gø welòng dø tiqdvchá, namaq svng gø èwà daqnø̀nge,” wae.

Ya vm aq vnatshì we lvngcha rvtø taq vsvng vrvm svng shóngwámshì lvm mvrà roqākélúnlvm Sha góng nvng nøt mvcøn shiqshvn we lúnlvm Gvray gvsangí mvrà chutnālún weí Pvlacè shvlut we shiqshvn we lúnlvm kv’mnøntní vlø’mshàì nø vjúrøt tvleshì shàì.

Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.