Døngmvnwe tvrà tiqlòng vrang lv́m dvpvt tewe dvsháza shóngnøt télv́m lòng rà longe

Lvbán vrv̀mò Angelus vjúrøt tvyø nvng dvtú mòngkà taq Pope Leo XIV taqkèní døngmvnwe tvrà dvpvt nøngmaq nø kadø íwe dvsháza shóngnøt rì gv́lshì lv́m ràwe dang dvtú bǿà we íe.

“Kàngpè Yesuí nøngmaq svng Kàngpè Gvrayò móngdàn svng tvrà shølnø̀ ègòì weíe” wanø dvtú we nvng Beatitudes mòngkà svng dvshvng bǿà we mèpvng Kàngpè Yesu nø Kàngpè Gvray nvng gø nøngmaq tiqgǿ vrv̀m nvng gø “dvsháza shóngnøt nvng” vzø̀m lv́m ègoì we íe.

“Gvray dvkv́m kàrì nø dvsháza shónøt kèní wa jórlún we íe. Dvsháza shóngnøt wawe nø Gvray dvkv́mkà rìò rvnaqwe àng lvjøm nvng mvnggá svng tvnùng we tvrà gø íe. Døngmvn we tvrà wawe nø Gvrayò dvkv́m kàrì svng cv́n dvgøm we tvrà tiqlòng svngwa shǿn mvyǿ we mǿí nø nøngmaqò dvsháza shóngnøt bv́ngkà rì svng vtánā lv́m dvtú we tvrà gø íe.

Moshi nvng coqcv́nrì svng dvkv́m ráà we Gvray dvkv́m kàrì nø Gvray nvng nøngmaq mvdàmø gv́lshì we Gvray àngò tvnù manggá rì svng síngshá lv́m tvrà tiqlòng ínø̀ Gvray àng lòngzàpè svng èzí bǿshà we nvng nøngmaq nø Gvray àngò àngcǿ àngcèrì vjǿng íìwe dang vzø̀m vzvp lúnlv́m jejúrì svng èzí bǿshà we íe.

Døngmvnwe tvrà wawe nø dvsháza shóngnøt vdòngø vlwe dang Yesu Kristuí nøngmaq svng shvngøt dvtú we íe.