Moral nvng døngku shvzøngshiwe Sacrament dang shvngøt dvtu we
(25-2-2026)ni Putao Jau Gwørwang St. Anthony Noqngøm Chøm wang taq tiqni døp Shvngømré vtóng Sacramentu Dvrá nvng vjang laqyàrì nvng singdø shvngøt dvtú nø dvtit tvle we, røt kà rì svng vtánà we wáshì bø’ì.
Yalòng tvyø svng Putao Jau Gwørwang øp Fr. John Byin Tu Awng taqkèní shøl nø mvring v-rvm kèní kømngø’m ráì we Svra, Pongdó, Numpong, Lapong rì nvng zilangré rì kaq svng Fr. Bosco Nlam Hkun Seng taqkèní Shvngømré rvzvngcerì í shá v-du we cvndvgøm ra Shvngømré vtóng Sacrament Dvrá nvng vjang laqyà (Moral) svng shvngøt dvtú nø shèdø’m we í nònggùn zi we wáshì bø’ì.
