Yona mvshv́lpvrá

Yesuí nø lvmik gømlā rì nvng Dālvm mvshv́lpvrá pvnrì svng wa lá mvnò we lvpat shvrcerì dang, Angí dvtánò we taq tiqlòng wa íwe lvmik gømlā nø Yonaò lvmik gømlā lòng í v-duè wā dvtánòe.

Ninewe vsvngrì nø Yonaò móngkà svng tashì nø Nønt lí:ngshì yangì pàdø, Dìngman we Kvmnønt tvrà dvpvt nøngmaq taqkèní gø cvndvgøm lúnlvm rvt Nønt vwángshì lúnlvm nø mvdøng vchvk dang nøngmaq kaq svng shvdømè. Nøngmaq cúnshàì we ni v-rvm lvpat taq Kvmnønt , lvmik gømlā rì svng wa lá we mø-í lvm rvt dvkv’mè.

Nøngmaqí dvnùngì we pvn vrvm shvngbe nø nøngmaqò Kvmnønt nvng vbóng vtuk dø kadø wā dvtøpmìe mà? Nøngmaqí Gvray Mvrdvng svng vpø’ shvring lúnì kvtwa Àng Nønt shvrúng dø tiqdvchá cúnshì lúnlvm vl nø Døngman we Kà shvdiq zíshì lòng taqø góng lúnlvm vl dang dvdvm vjáng nø nònggùn lùshì dvzvrè.