Vsvng mvngpòng vbóng vtuk dø í lòng nø dvsha vsvngrì kaq vto lòng gø ínø, vsuyaqí dvnúng we taqgø vsvng vrvmì lúm lúnè.”

Vsvng mvngpòng vbóng vtuk dø í lòng nø dvsha vsvngrì kaq vto lòng gø ínø, vsuyaqí dvnúng we taqgø vsvng vrvmì lúm lúnè.” Svrabín Koqkvm Leo (14)nø Italy Dvmmvdaq móngdànò móngwál dvtáng øpkv’ng rì kaq tvle móngwál øpkv’ng rì (Prefects) nvng nar tiqni taq vhø’m bø’ì.

Svrabín Koqkvm pèo dvkv’m Kà rì

“Banchvk rì, móngdàn vrvm taq vgvngrì dvnzøng we nøngmaqò dènila rvtø rì nø ‘ Muqhøm vjú wurlaq ‘(Common Good) svng roqgar lúnlvm rvt kadv’ngte vchvkngè walòng svng shá lúnlvm dvtánòe. Yalòng nø shaq mà-vl we dvre dvtdvt mø-í.”

Pvlàcè tvrà nvng rvgaqtøm tvrà vzúngshì rì dvtuqshì ra – (St Ambrose)ò hang dvla svng dvdvm dvzvr we í, shvngømré nvng móngdàn ya vní lòng nø zaqshøp dvre Ra vchvk we wa mvtaq móngdànò ” vjang laqyà nvng Pvlàcè tvrào zaqshøp rì ” svng gø roqgar lvm rvt bvnlì døngja vdá dang Svrabín Koqkvm í vpø’nøntní shø’n bø’à. Vsvng mvngpòng vbóng vtuk dø í lòng nø vtoq v-tip lvm rì dvpvt bvngka chit í we, v-rvm vrá Kømzøp lvm lòng svng roqgar shì lòng nø Dvshà vsvngrì kaq vtō lúnlvm, lvpat gøngzøl rì kaq Nøntshøm vl dvzvr lvm nvng zā vhø’mò rì Ra vchvk lòng lúnlvm dvpvt nvmlat mvpv’ng íe wā shø’n bø’ì. Vsvng mvmè nvng sing we vjú zílún lòng taq Ka shvdiq Dø’ngvng we, móngdànò dvzømshú rì taqkèní ” vjang laqyà kùpgar shì lvm” nvng ” Dìngman we dvdvm Nønt” vl lvm rvt ra vchvk nø, téwa nø dvchvn dvnvn àngdvja(mø-í ni) Shiwvt dàm rì vhø’m v-du ra dvgvp nøngmaqò døngja nø móngdànò vrvm vrá lvm lòng dvpvt gvzàni vchvk dang dvkv’m bø’ì. Nyín Bønya Paqzi svng vbóng vtuk dø lv’ng lúnlvm -AI( Nyan vtuq) nvng Nyín Bønya Paqzi àngshvrìo bøn bung lòng svng mvsvt shvdø’ngà we í, yalòng dvre rì kaq svng mongzøngcerì shvngbe rīn vrá vlún vkvng jèjúrì svng vtoshì lúnlvm dvpvt dvnúng lvm rvt gø bvnlì døngja nvng sing rì kaq svng vkvtdø dvkv’m nø shø’n bø’ì.