Angbøt angshv́r vshú mvdaq we
Wekvt Yohan coqcv́nrì Yesu yv́ng dì ráì nø,“Nøngmaq nvng Farisirì nø,v́mpà màv́mv́m angkvtkvt vnatshàì we;Nà coqcv́nrì nø v́mpà màv́m la mànatshìni,pawá í ma?”wa rø:tnòe.
Yesuí angmaq svng,“Zvmì kùng taq lvngàshv́rpè* shini vl dvgvp bóy mvnv́mrì nø rvyú vdu ma?Iwe,lvngàshv́rpè svng nø angmaq yv́ng kèní lù bǿò we angni tuq rāe.Wekvt mv̀ng nø,angmaq gø màv́mv́m vnatshì rà longe.
