Kàgvp Muk ngùr dvgùng

Babélria Sarado í vruò we lega taq kàgvp muk ngùr dvgùng mvbøn tig lòng ga ò we yvng lún shi e.
Gvray kaq mv shóng shì we YaHuDi maq nø Gvray noq shi we Shvngøm ré rì svng pàtùt shvmáng lvm dazaq shi ratø í we svng yvng lú:n shi e. chùt cháng kang Pè tuqdaq we svng vløm shì we ratø gøíe. Vkàng pè Ye su ò kàgvp Muk svng shvmáng lvm dvpvt YaHuDi maq dvzaq shi yàngì.

Tiq ni rvtø taq KaToLik chyømyō ré mecè tiq mè nø gvmsùng zømdàng rvtø angò shvlá vtàng gú:ng gwá tiq dòng YaHuDi maq yáng bōng shi yàngì .Mvme naq daq ì ni gø gvmsùng madá nø vcháng shì mvlún ò rvt YaHuDi maqí nø Vkàngpè mùk (10) gøm í vcháng shi lvm shøn ò we ang ígø zí lvm kà rvt shì yangì.
Chømyō ré mè ígø (10)ni døp noq ngøm chyøm dinø kàgvp Muk (10)gøm lú:n bø a kvt YaHuDi maq svng tvle yànga. We kàgvp mùk svng YaHuaDi maq ínø tì tūng yáng pvlā nvng vshúò nø zvng yàngà ni gø tōdø ni kàgvp mùk nvn nvn vldā we svng yvng lú:n shi yvngì. Kàgvp mùk svng shvmáng lvm dvpvt á:mò nigø á:m mvshvla rvt téwa svre vdvn lú:ngì.MvngJøng í yaq òni gø yaq mvlú:n òwe mvtaq gvzà vnvp we cvmrécè tigø lè rep lú:ng ì we svng yàng òwe. wervt angmaq svrē lú:ng ìnø kàgvp mùnk svng sømpan móng í mvcheq ònø KToLic Shvrúngshú pè svng tvle yàngà.

Ya mvbøn nø (1337 ) nøng taq bøn yàng ìwe íe.(1361)nøngtaq Shvrú:ng shú pè Sarabyin Innocent(6)í ya mvbøn rì Shvngbe teng we sàng shvdøng yāngà.(1401) nøng taq Shvrú:ng Shú pè Pope Boniface(9)í ya kàgvp mùk yáng vjúrøt shi rì Shvngbe Indulginces mvraroq ā weJejú lushi daq we svng dvshàng yàngà.
1489 nøng taq shvrúng shú pè SaraByin Innø cent (8) ígø ya kàgvp mùk yáng Vjú røt shi rì shvng be mvrà roq ā we lvm tiq kvt rá shvdøng yàngà.

YaHuDi rì í shvmáng mvdáng yàng ngà we Kàgvp Muk (10)gøm nø nvmbàt (2) mvjàn būng we mèpāng høq mvten mà gvyaq shi dø vlyàng ìwe svng shá lú:n shìe.
Nøngmaq shvngøm ré rì Shvngbe nø Vkàng pè Yesu ò Kàgvp Muk svng vpø shvring ì taq sórí noqngøm lvm vring mvyøne e.