Cardinal Charles Bo taqkèní Myanmar móngdàn vdòng taq vtì tø̀ng we shìwvt rì dvpvt vrá tubúm dvbangā lv́m røt ním we
Myanmar móngdàn vdòng Móng wv́l rì mvme taq bø̀n bǿì we vtì tø̀n we, vba vdør we rvt mvhøt lv́m shìwvt rì vkǿn bǿì we dang gùn dvtøp bǿà we shìpvn svng Cardinal Charles Bo taqkèní LiCAS shv̀ngkà dvp nvng Chainarong Monthienvichienchai shvngkà dvp rì svng vtàn bǿà we íe.
September shvlá 9 ni kèní Myanmar móngdàn rvwè, nv̀msvr lvp móngwv́l rì taq shømè nvng mvrù møt we dvjáng rvt Madalay, Sam móng, Bvgó móngwv́l, Kayin móngwv́l nvng Naybyidaw shvrà rì taq vlwe móng vsv̀ngrì gvzà dvshà bǿì wanø̀ shálún shìe.
Myanmar móngdàn Myuqne 65 vdòng taq shìwvt àngpv̀n pv̀n kèní chø̀m cún, wángrì vmvng nø̀ góng sél íwe móng vsv̀ngrì 887,000 gǿ rvzé íbǿì wanø̀ shálún shìe.
“Yanila taq vtì bat lú:ngì we ínì gø vtang kèní dvshà mvhøt lv́m vhǿmò vsv̀ngrì v̀l lv́m chø̀m dvgø màdá góng sél íwe vsv̀ngrì gvzà íbǿì, vtì shv̀n yvk we taq shiqshv̀n tvrà rì gø vtøp kéò we nvng vrúm vsvr we shvrà rì taq mvzáng (v́m:aq dvrè) rì, cì rì nvng dvgá tubúmā ràwe dvrè rì dvtuq lv́m yvk we shìwvt rì gø gvzà vle” wanø̀ vtàn ráà.
Yadø íwe dvjà vdòng Karuna Myanmar Social Services (KMSS) Catholic sv̀ngpv̀n dvsháza mvdò taqkèní gø dvsházà bv̀nlì tvrà taqkèní tubúm dvbangā we dang vtànò we íe. NGO mvdò rì, UN Agencies rì nvng vzø̀m nø dvsháza bv̀nlì tvrà taq dvzaq dvkáng shì we dang vtàn bǿà.
Sv̀ngpv̀n dvsházà bv̀nlì tvrà taq tubúm dvbang shìlv́m móngdàn vrv̀m kaqsvng gø røtním bǿà we íe. “Nøngmaq shvngbe vzø̀mì we kù:ngà shaq kèní dvshà mvhøt vhǿm bǿà we vsv̀ngrì ò lvpat rì svng vrá dvcøp shvnvpā dvbang shàì” wanø̀ dvtú bǿà.
