Mvshv́lpvrá láò vsvng rì
Farisirì dì ráì nø Yesu svng vløtlv́m rvt,“Muqlàng kèní shálv́m mvshv́lpvrá tiq lòng dètānshà,”wa rø:tnòe. de Yesu nø shaqmè shv́lshì sórí,“Yamvril cèrìí nø,pàwálv́m shálv́m mvshv́lpvrá láòe ma?Ngàí jø̀ngjǿng v̄la:tnìni,
yamvril vsvngrì kaq nø shálv́m mvshv́lpvrá tiq pv̀n gø màdvtanlv́m íe,”a:lòe. Wervt Yesu nø angmaq yv́ng kèní rv́lshì nø,kùngshí taqtaq kupa svng léshìá:mì.
Vpø’ íwe pèmè vnvmchvngmaq, Dènio Gvray Dvbùshang móngkà taq, Vkangpè Yesu ínø vsvng loksok svng Muk zidòng shvngøt chv’ng nvng Ngā svmaqce í Dalvm gømlā dvtánò nø shvá:m yangà dang dvtánòe. Shvrí shì bál lòng dvpvt Vkangpè Yesuò dvshá zā mvkok dvdí tùbùm lòng nvng Ra vchvk lòng svng Kømzøp dø zí lún we Kūnga vzàm vl we íni gø, welòng nø Vkangpè Yesu nvng vhø’m lún kvtwa tùbùm dvbvng Nønt shøm dvbù dvzvrè. Vkangpè Yesu Kristu nø dvshá zā mvkok dvdí shóngnønt angkang pè í dø tiqdvchá nøngmaq shvngbe í gø dvshá zā shóngnønt svng dvtàn sórí Vsvng v-rvm kaq svng dvzøm lúnlvm rvt Shvmv’n Jèjú ìshøt rì svng Kvmnøntní røtnímtvleshì laqlúnì shvngbe svng oqā.
