Yesuí Farisirì ngā:nò we
Yerusalem kèní dì daqì we Farisirì nvng dvrá svrarì mvdò kèní tiqmaq nø Yesu yv́ng dvkǿmshi ráì. Ang coqcv́nrì tiqmaq nø wur màsiqshi v́mpà vm we svng angmaqí yà:ngòe. (Kadø íe wani Farisirì nvng Yuda vsvng shvngbe gø,shaqrérì vtóng cà:nò nø,wur shvla dv̀ng wa màsiqshishaq nø v́mpà màvm dvr.Gvt kèní lò ra nìgø,góng màzv́lshì nø angmaq v́mpà màvm.Vrá, gwìnrì,taqrì nvng mvshǿng taqrì svng zv́l rà we vtóng mvdv̀mø,dvgádø vtóng gø angmaqí cv̀nlv́m mvme pv̀n v̄le.) Wekvt Farisirì nvng dvrá svra mvdòí Yesu svng,
“Nà coqcv́nrì nø kadø í rvtnø shaqré vtóng màcv́nshaq,wur màsiqshi v́mpà vm ma?”wa rø:tnòe. A:ngí angmaq svng,“Vní nøt ènøtnøng rìé,Esayaí namaq dang kà dvtu:tnò nø vrū yà:ngà kà nø jø̀ngjǿng lā vbóng dá:rì.‘Vsvng yadvcìí nø,angmaq nònggø:pmí wa Ngà svng nàpǿng nø,angmaq nøt nø Ngà yv́ng kèní vsa:re. Angmaqí shvngø:tnò rì nø sv́ngzà cèrìí wàò we vtóng dvrá wa íe.Wervt angmaqí Ngà svng ènok lòng nø vshø̀ng màshǿng íe,’wà yà:ngì. Namaqí nø Gvray dvkv́mkà svng nø màcv́nshaq,vsvng vtóngrì lè ècv̀nnønge,”a:lòe.
Shvngømré vtóng dvrá nvng nøt mángshèr we dang nvng sing nø Kàngpè nvng Farisirì nvng dvrá svrarì mvdòrì dvhø taq tāsvng tāle vshønke we íe. Yesu ang coqcv́nrì tiqmaq nø wur màsiqshi v́mpà vm we svng angmaqí yà:ngò kvt mvrà shvrikà íe. Deni mòngkà nø nøngmaqò Kv’mnønt tvrà svng dvtøp dvzøplvm nøtshì dvzvr we dang íe. Gvray dvkv́mkà svng cvnlvm nø vchvk mvdøng íe, gvza màvchvk we vtóng svng ngállv́m dvshvt we íe.Gvray nø nøngmaqò nøt svng shòng rvt nøngmaq nø Gvrayò dvkvmkà svng cvnlúnlvm dvzaq dvkangshàì.
